ଗଣିଆ,୧୨ା୯(ଡି.ଏନ.ଏ.): ନୟାଗଡ଼ରୁ କୁମ୍ଭାରପଡା ଯାଉଥିବା ଏକ ଯାତ୍ରୀବାହୀ ବସ୍ ବୁଧବାର କିଶୋରପ୍ରସାଦ ପଞ୍ଚାୟତ ଗୋପାଳପ୍ରସାଦ ନିକଟରେ ଏକ ଆମ୍ବଗଛରେ ପିଟିହୋଇ ଦୁର୍ଘଟଣାଗ୍ରସ୍ତ ହୋଇଛି। ଫଳରେ ଗାଡିରେ ଥିବା ୧୦ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି। ଗଣିଆ ପୋଲିସ ଓ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚତ୍ ଆହତମାନଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସରେ ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି। ଆହତମାନେ ହେଲେ କିଶୋରପ୍ରସାଦ ଗ୍ରାମର ସୀତାକାନ୍ତ ତ୍ରିପାଠୀ, ସବିତା ରାଉତ, ନିଶାମଣି ରାଉତ, ଟୁକୁନା ବେହେରା, ବିଷ୍ଣୁପ୍ରସାଦ ପ୍ରଧାନ, ଦିଶା ରାଉତ, ଅଖିଳ ପଣ୍ଡା, ରଞ୍ଜନ ଚିନ୍ନରା ଓ ଗାଡି ଡ୍ରାଇଭର ସନାତନ ଜେନା ପ୍ରମୁଖ। ଖବର ଲେଖାହେବା ବେଳକୁ ଗାଡି ଚାଳକ ବସ୍ ଭିତରେ ଫଶିରହିଥିବାରୁ ଜେସିବି ସାହାଯ୍ୟରେ ଉଦ୍ଧାର କାର୍ଯ୍ୟ ଜାରି ରହିଛି। ସୂଚନା ଅନୁଯାୟୀ, ଓଆର ୧୩-୩୭୮୮ ନଂ. ବିଶିଷ୍ଟ ନାୟକ ଆଣ୍ଡ ନାୟକ ନାମକ ବସ୍ର ଷ୍ଟିୟରିଂ କଟିଯିବା ଫଳରେ ଭାରସାମ୍ୟ ହରାଇ ଗାଡିଟି ରାସ୍ତାପାର୍ଶ୍ୱ ଗଛରେ ପିଟି ହୋଇଯାଇଥିଲା।
