ଛତ୍ରପୁର,୨୭ା୩(ଡି.ଏନ୍.ଏ.)- କରୋନାକୁ ପ୍ରତିରୋଧ କରିବାକୁ କ’ଣ ସବୁ ପଦକ୍ଷେପ ନିଆଯାଇଛି ସେସମ୍ପର୍କରେ ସମୀକ୍ଷା ସମୀକ୍ଷା କରିଛନ୍ତି ଗଞ୍ଜାମ ଏସ୍ପି ବ୍ରିଜେଶ କୁମାର ରଏ। ଭିଡିଓ କନ୍ଫରେନ୍ସଂ ଜରିଆରେ ବୈଠକ କରି ଲକ୍ଡାଉନବେଳେ ଛାପା ଓ ବୈଦ୍ୟୁତିକ୍ ଗଣମାଧ୍ୟମ, ୱେବ ମିଡ଼ିଆ ଖବରଦାତା ଓ ଖବରକାଗଜ ବିତରକଙ୍କ ଯାତାୟାତ ଉପରେ କଟକଣା ନାହିଁ ବୋଲି ଏସ୍ପି ସ୍ପଷ୍ଟ କରିଛନ୍ତି। ସମଦୂରତା ଅବଲମ୍ବନ ସହ କରୋନା ଗାଇଡ୍ ଲାଇନ୍କୁ କଡାକଡି ପାଳନ କରିବାକୁ କୁହାଯାଇଛି। ଏହାର ଖିଲାପ କଲେ ଖିଲାପକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସମସ୍ତ ଥାନା ଅଧିକାରୀଙ୍କୁ ସେ ନିର୍ଦ୍ଦେଶ ଦେଇଛନ୍ତି। ଗ୍ରାମାଞ୍ଚଳରେ ଥିବା ନଦୀ ଓ ପୋଖରୀରେ ଲୋକେ ଗାଧୋଉଥିବା ଆଲୋଚନା ହୋଇଥିଲା। ପାଟ୍ରୋଲିଂ କରି ଏଥିପ୍ରତି ନଜର ରଖିବାକୁ କୁହାଯାଇଛି। ଏଥିସହ ହୋମ୍ କ୍ୱାରାଣ୍ଟାଇନ୍ରେ ଥିବା ଲୋକଙ୍କ ଉପରେ ନଜର ରଖିବା ସହ ନିୟମିତ ତାଙ୍କ ଘରକୁ ପୋଲିସ ଅଧିକାରୀ ଯିବେ ବୋଲି ଏସ୍ପି କହିଥିଲେ।
