ପୁରୀ ଅଫିସ,୨୮ା୪: ପୁରୀ ସଦର ବ୍ଲକର ବିଭିନ୍ନ ପଞ୍ଚାୟତରେ କରୋନା ମୁକାବିଲା ନେଇ କିଭଳି ପ୍ରସ୍ତୁତି ଚାଲିଛି ତାହାର ତଦାରଖ କରିଛନ୍ତି ପୁରୀ ବିଧାୟକ ଜୟନ୍ତ ଷଡ଼ଙ୍ଗୀ। ବିଧାୟକ ଷଡ଼ଙ୍ଗୀ ମଙ୍ଗଳବାର ଗୋପୀନାଥପୁର, କାଶୀହରିପୁର, ହରେକୃଷ୍ଣପୁର, ତଳଜଙ୍ଗ ଓ ମାଳତୀପାଟୁପର ପଞ୍ଚାୟତ ଗସ୍ତ କରି କ୍ବାରାଣ୍ଟାଇନ ସେଣ୍ଟର ବୁଲି ଦେଖିଥିଲେ। କ’ଣ ସମସ୍ୟା ରହିଛି ସେ ସମ୍ପର୍କରେ ଦାୟିତ୍ୱରେ ଥିବା ଜିଲାପାଳଙ୍କୁ ପଚାରି ବୁଝିଥିଲେ। ଏଥିସହ ବିଧାୟକ ଷଡ଼ଙ୍ଗୀ ଚନ୍ଦନପୁର ସିଏଚ୍ସିକୁ ଯାଇ ସେଠାରେ ଆନୁଷଙ୍ଗିକ ବ୍ୟବସ୍ଥାର ତଦାରଖ କରିଥିଲେ। ରୋଗୀଙ୍କୁ କିପରି ଚିକିତ୍ସା ସୁବିଧା ମିଳୁଛି ତାହା ପଚାରି ବୁଝିଥିଲେ। ବିଧାୟକଙ୍କ ସହିତ ସଦର ବିଡିଓ, ବିଧାୟକଙ୍କ ବ୍ଲକ ପ୍ରତିନିଧି ସଚ୍ଚିନ୍ଦ୍ର ନାଥ ବାନାର୍ଜୀ, ଭାଜପା ଚନ୍ଦନପୁର ମଣ୍ଡଳ ସଭାପତି ମନୋରଞ୍ଜନ ପ୍ରଧାନ ସାମିଲ ଥିଲେ ।
