ଉଜ୍ଜୟିନୀ,୧୭।୩: ମହାମାରୀ କରୋନା ଭୟରେ ଏବେ ଦେଶର ଅଧିକାଂଶ ଜନଗହଳି ପୂର୍ଣ୍ଣ ସ୍ଥାନକୁ ବନ୍ଦ କରି ଦିଆଯାଇଛି। ମଲ୍, ସିନେମା ହଲ୍ଠାରୁ ଆରମ୍ଭ କରି ବଡ ବଡ ମନ୍ଦିର ସବୁକୁ ମଧ୍ୟ ବନ୍ଦ କରି ଦିଆଯାଇଛି। ମଧ୍ୟପ୍ରଦେଶ ଉଜ୍ଜୟିନୀରେ ଥିବା ମହାକାଳେଶ୍ୱର ମନ୍ଦିର ସୋମବାରଠାରୁ ଭକ୍ତଙ୍କ ପାଇଁ ବନ୍ଦ କରି ଦିଆଯାଇଥିବା ବେଳେ ଏଠାରେ କିନ୍ତୁ ପୂଜକମାନେ ମନ୍ଦିର ଭିତରେ ଭଷ୍ମ ଆଳତି କରିଥିବା ଜଣାପଡିଛି। ମନ୍ଦିରର ରୀତିନୀତି ଅନୁଯାୟୀ ପୂଜା କରାଯାଉଥିବା ବେଳେ ମାର୍ଚ୍ଚ ୩୧ ପର୍ଯ୍ୟନ୍ତ ମନ୍ଦିରକୁ ବନ୍ଦ ରଖାଯାଇଛି। ସୂଚନାଯୋଗ୍ୟ, ସାରା ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବଢି ଚାଲିଥିବା ବେଳେ ଏବେ ଏହା ୧୧୭ରେ ପହଞ୍ଚିଥିବା ଦୃଷ୍ଟିରୁ ଏହାକୁ ଦେଖି ବିଶେଷ ପଦକ୍ଷେପ ନିଆଯାଉଛି।
