ପଣଜୀ,୨୮।୭- ୧୯ ବର୍ଷରୁ କମ୍ ଭାରତୀୟ ଦଳର ଦୁଇ ସଦସ୍ୟ ଗୁରୁତର ଆହତ ହେବାରୁ ବର୍ତ୍ତିଯାଇଛନ୍ତି। ତୁର୍କି ଗସ୍ତରେ ଥିବା ଭାରତୀୟ ଦଳ ଶନିବାର ସ୍ଥାନୀୟ କ୍ଲବ ସହ ଏକ ମ୍ୟାଚ୍ ଖେଳିବା ପରେ କୋଚ୍ ଫ୍ଲଏଡ ପିଣ୍ଟୋ ଖେଳାଳିଙ୍କୁ ଗୋଟିଏ ଦିନ ପାଇଁ ବିଶ୍ରାମ ଦେଇଥିଲେ। ଯୁବ ଖେଳାଳିମାନେ ହୋଟେଲ ନିକଟରେ ଥିବା ପାର୍କରେ ସମୟ ବିତାଇବାକୁ ନିଷ୍ପତ୍ତି ନେଇଥିଲେ। ଦଳୀୟ ସୂତ୍ରରୁ ଜଣାପଡ଼ିଛି, ଦୁଇ ଖେଳାଳିଙ୍କୁ ନେଇ ଯାଉଥିବା କେବୁଲ କାର୍ ମଝିରେ ଅଟକି ଯାଇଥିଲା। ଏଥିଯୋଗୁ ସେମାନେ ଭୟଭୀତ ହୋଇ ଡେଇଁଥିଲେ। ଏ ନେଇ ଦଳର ଫିଜିଓଥେରାପିଷ୍ଟ ଏଆଇଏଫ୍ଏଫ୍ ନିକଟରେ ରିପୋର୍ଟ ଦାଖଲ କରିଛନ୍ତି। ଏଥିରେ ଖେଳାଳି ଆହତ ହୋଇଛନ୍ତି, ହେଲେ କୌଣସି ଚିନ୍ତାଜନକ ବିଷୟ ନୁହେଁ। ଯୁବ ଭାରତୀୟ ଦଳ ଏବେ ୧୯ ବର୍ଷରୁ କମ୍ ଏଏଫ୍ସି ଚାମ୍ପିୟନଶିପ ପାଇଁ ତୁର୍କିରେ ପ୍ରସ୍ତୁତ ହେଉଛି। ଭାରତ ଏ ପର୍ଯ୍ୟନ୍ତ ତୁର୍କିରେ ଦୁଇଟି ମ୍ୟାଚ୍ ଖେଳିଛି। ପ୍ରଥମ ମ୍ୟାଚ୍ରେ ଓମାନଠାରୁ ୨-୧ର ପରାଜୟ ବରଣ କରିଛିି। ପରବର୍ତ୍ତୀ ମ୍ୟାଚ୍ରେ ଶକ୍ତିଶାଳୀ ଜୋର୍ଡାନକୁ ଭେଟିବାର ଅଛି। ହେଲେ ପ୍ରବଳ ବର୍ଷା ଯୋଗୁ ଅଭ୍ୟାସ ହୋଇ ପାରୁନାହିଁ।
