କିଛି ଲୋକ ଅଛନ୍ତି, ଯେଉଁମାନେ ଚିନିଠୁ ବର୍ତ୍ତିବାକୁ ଆର୍ଟିଫିଶିଆଲ୍ ସୁଗାର୍(କୃତ୍ରିମ ଚିନି)ର ଉପଯୋଗ କରିଥାନ୍ତି। ଏହାକୁ ସେମାନେ ଉତ୍ତମ ବିକଳ୍ପ ବୋଲି ଧରିନେଇଥାନ୍ତି। କିନ୍ତୁ ନିକଟରେ ହୋଇଥିବା ଏକ ଗବେଷଣାରୁ ଜଣାପଡ଼ିଛି, ଏହି କୃତ୍ରିମ ଚିନି ବା ଆର୍ଟିଫିଶିଆଲ୍ ସୁଗାର୍ର ସେବନ ସ୍ବାସ୍ଥ୍ୟ ପାଇଁ କ୍ଷତିକାରକ ହୋଇପାରେ। ସୁସ୍ଥ ସ୍ବାସ୍ଥ୍ୟ ନିମନ୍ତେ ଅଧିକ ଚିନି, ଲୁଣ ତଥା ଚର୍ବିଜାତୀୟ ଖାଦ୍ୟ ପଦାର୍ଥଠାରୁ ଦୂରେଇ ରହିବାକୁ ପ୍ରୋତ୍ସାହିତ କରାଯାଇଥାଏ। କିନ୍ତୁ ଏହାର ବିକଳ୍ପ ଅନୁସାରେ, ଯେଉଁ କୃତ୍ରିମ ଖାଦ୍ୟ ସେବନ କରାଯାଏ, ତାହା ଯେ କେତେ ମାରାତ୍ମକ ଏହି ଗବେଷଣାରୁ ସ୍ପଷ୍ଟ ହୋଇଛି। ଗବେଷକଙ୍କ ମତରେ, ବର୍ତ୍ତମାନ ଲୋକଙ୍କ ମସ୍ତିଷ୍କରେ କେବଳ ଗୋଟିଏ ଧାରଣା ସୃଷ୍ଟି ହୋଇଛି ଯେ ପ୍ରତ୍ୟହ କମ୍ କ୍ୟାଲୋରୀଯୁକ୍ତ ଖାଦ୍ୟ ସେବନ କରିବା ଆବଶ୍ୟକ। ଏଣୁ ମାର୍କେଟ୍ରେ କୃତ୍ରିମ ଚିନି ଯୁକ୍ତ ଖାଦ୍ୟ ପଦାର୍ଥର ପରିମାଣ ବୃଦ୍ଧି ହେଉଥିବା ବେଳେ ସାଧାରଣ ଚିନି ଯୁକ୍ତ ଖାଦ୍ୟର ସେବନ କମ୍ ହେଉଛି। କିନ୍ତୁ କୃତ୍ରିମ ଚିନିର ଦୀର୍ଘଦିନ ପର୍ଯ୍ୟନ୍ତ ଉପଯୋଗ ଫଳରେ ଓଜନ ହ୍ରାସ ପରିବର୍ତ୍ତେ ତାହା ଓଲଟା ଫଳ ଦେଉଛି। କ୍ୟାନସର୍, ହୃଦ୍ରୋଗ, ପଥରୀ, ଅବସାଦ ଭଳି ସମସ୍ୟା ସୃଷ୍ଟି ହେବାର ଆଶଙ୍କା ବଢୁଛି। ଏଣୁ ଦୈନନ୍ଦିନ ଆର୍ଟିଫିଶିଆଲ୍ ସୁଗାର୍ ସେବନ ବିଚାର ଉପରେ ଏବେଠୁ ନିୟନ୍ତ୍ରଣ ପାଇଁ ଗବେଷଣା ରି.େପାର୍ଟରେ ପରାମର୍ଶ ଦିଅଆଯାଇଛି।
