ପାଟପୁର,୨୨ା୧୨-ଗଞ୍ଜାମ ଜିଲା ପାଟପୁର ଗ୍ରାମ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟରେ ଛାତ୍ରୀଛାତ୍ରଙ୍କ ବହିକୁ ଜଣେ ଶିକ୍ଷୟିତ୍ରୀ ୬ଟଙ୍କା କିଲୋରେ ବିକ୍ରି କରିଥିବା ଶନିବାର ଅଭିଯୋଗ ହୋଇଛି। ଖବର ପାଇ ବ୍ରହ୍ମପୁର ଉପଜିଲାପାଳ ସିନ୍ଧେ ଦତ୍ତାତ୍ରୟ ଭାଉସାହେବ ପହଞ୍ଚତ୍ ଜିଲା ଶିକ୍ଷାଧିକାରୀ ସନାତନ ପଣ୍ଡାଙ୍କୁ ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ। ପଣ୍ଡାଙ୍କ ନିର୍ଦ୍ଦେଶରେ ବ୍ଲକ ଶିକ୍ଷାଧିକାରୀ ମୁକୁନ୍ଦ ଚନ୍ଦ୍ର ପାଢ଼ୀ, ଅତିରିକ୍ତ ଶିକ୍ଷାଧିକାରୀ କୈଳାସ ଚନ୍ଦ୍ର ପାଣିଗ୍ରାହୀ ବିଦ୍ୟାଳୟରେ ପହଞ୍ଚତ୍ବା ପରେ ଗ୍ରାମବାସୀ ଦୃଢ କାର୍ଯ୍ୟାନୁଷ୍ଠାନ ଦାବିରେ ଘେରିଥିଲେ।
ଯେ, ଉକ୍ତ ବିଦ୍ୟାଳୟରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରୀଛାତ୍ରଙ୍କ ପାଇଁ ଉଦ୍ଦିଷ୍ଟ ପାଠ୍ୟ ପୁସ୍ତକକୁ ସେଠାର ଜଣେ ଶିକ୍ଷୟିତ୍ରୀ ୬ଟଙ୍କା ହିସାବରେ ୨୦୦ରୁ ଊର୍ଦ୍ଧ୍ୱ କିଲୋ ଏକ ଦୋକାନରେ ଓଜନ କରି ବେପାରୀଙ୍କୁ ବିକ୍ରି କରୁଥିଲେ। ସମ୍ପୃକ୍ତ ବେପାରୀ ଶିକ୍ଷୟିତ୍ରୀଙ୍କୁ ୧୪୦୦ ଟଙ୍କା ଦେଇଥିଲେ। ଏହା ଦେଖି ଗ୍ରାମବାସୀ ଓ ଅଭିଭାବକ ଦୃଢ ବିରୋଧ କରିଥିଲେ। ଫଳରେ ସେଠାରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା। ଏ ନେଇ ସମ୍ପୃକ୍ତ ଶିକ୍ଷୟିତ୍ରୀଙ୍କୁ ପଚାରିବାରୁ ୩ ବର୍ଷ ପୂରୁଣା ବହି ସ୍କୁଲରେ ରହିବାରୁ ସେଠାରେ ସାପ, ବେଙ୍ଗ ରହୁଛନ୍ତି। ତେଣୁ ସ୍କୁଲର ସଫେଇ ପାଇଁ ଆମେ ଏହାକୁ ବିକ୍ରି କରୁଥିଲୁ ବୋଲି ସେ କହିଥିଲେ। ଶିକ୍ଷୟିତ୍ରୀ ଜଣକ ପ୍ରଧାନ ଶିକ୍ଷକଙ୍କୁ ନ ଜଣାଇ ବହି ବିକ୍ରି କରିଥିଲେ। ପାଟପୁର ପୋଲିସ ପହଞ୍ଚତ୍ ବହିଗୁଡିକୁ ଜବତ କରିଛି। ତଦନ୍ତ ଆଧାରରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ବିଇଓ କହିିଛନ୍ତି।
