ପାତ୍ରପୁର,୨୬ା୪(ଡି.ଏନ୍.ଏ.)- ଶାଗୁଆନ କାଠ ନେଉଥିବା ଏକ ଟାଟା ମ୍ୟାଜିକ ଗାଡି (ଏପି୩୦ୟୁ-୮୦୧୭)କୁ ବ୍ରହ୍ମପୁର ମୋବାଇଲ ଡିଭିଜନ ଫରେଷ୍ଟର ଏନ୍. ବାଲାଜୀ ରେଡ୍ଡୀ ଓ ତାଙ୍କ ଟିମ ଶନିବାର ଜବତ କରିଛି। ଚିକିଟି ବ୍ଲକ ଲକ୍ଷ୍ମୀପୁର ନିକଟରେ କାଠ ଗାଡି ଯାଉଥିବା ଖବର ପାଇ ମୋବାଇଲ ଡିଭିଜନର ଗାଡିକୁ ଧରିଥିଲା। ଉପରିସ୍ଥ ଅଧିକାରୀଙ୍କ ନିର୍ଦ୍ଦେଶକ୍ରମେ ଜବତ ଗାଡିକୁ ପାରାଗାର୍ଡ ରତ୍ନାକର ବିଶ୍ୱାଳ ସୁରଙ୍ଗୀ ବନବିଭାଗ ଅଫିସକୁ ନେଉଥିଲେ। ଠଣାଗାଁ ନିକଟରେ ଚାଳକ ଜଣକ ଗାଡି ଚାଲୁଥିବାବେଳେ ପାରା ଗାର୍ଡଙ୍କୁ ଧକ୍କା ମାରି ଚଳନ୍ତା ଗାଡିରୁ ଡେଇଁ ଚମ୍ପଟ ମାରିଥିଲେ। ଜବତ ଗାଡ଼ିରେ ପ୍ରାୟ ୨୦ ଘନଫୁଟ ଶାଗୁଆନ କାଠ ଥିବା ଅନୁମାନ କରାଯାଉଛି। ଜବତ ସମୟରେ ସୁରଙ୍ଗୀ ଫରେଷ୍ଟର ଶିବ ବେହେରା, ଚିକିଟି ଫରେଷ୍ଟର କେ.କବିତା, ଦିଗପହଣ୍ଡି ଫରେଷ୍ଟର ବିଜୟ ମାଝୀ, ଫରେଷ୍ଟ ଗାର୍ଡ ବାବୁ ସେଠୀ ପ୍ରମୁଖ ଉପସ୍ଥିତ ଥିଲେ।
