ବେଗୁନିଆପଡା,୨୦ା୪(ଡି.ଏନ.ଏ.)- କାଜୁ ଜଙ୍ଗଲ ଲିଜ୍କୁ ନେଇ ବେଗୁନିଆପଡା ବ୍ଲକ ଖିଡିଙ୍ଗିଠାରେ ସୋମବାର ୨ଗୋଷ୍ଠୀ ମୁହଁାମୁହିଁ ହେବା ସହ ବୋମାମାଡରେ ଜଣଙ୍କ ମୃତ୍ୟୁ ଘଟିଛି। ମୃତକ ହେଲେ ବେଗୁନିଆପଡା ଫାଣ୍ଡି ଅନ୍ତର୍ଗତ ବଡଖଇରିଖମା ପଞ୍ଚାୟତ ଗୁଞ୍ଜଗଳ ଗ୍ରାମର ପ୍ରଭାକର ବିଶ୍ୱାଳ(୩୮)।
ଅନ୍ୟ ୨ଜଣ ଆହତ ହୋଇ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି। ଏସ୍ପି ବ୍ରିଜେଶ କୁମାର ରାଏ ଘଟଣାସ୍ଥଳ ପରିଦର୍ଶନ କରିଛନ୍ତି। ପୋଲିସ ୩ ଜଣଙ୍କୁ ଅଟକ ରଖି ପଚରାଉଚରା ଚଳାଇଛି।
ବେଗୁନିଆପଡା ବ୍ଲକ କୁମାରିପାରି ସ୍ଥିତ ନଂ.୧ ଜଙ୍ଗଲ ଓଡ଼ିଶା କାଜୁ ନିଗମର ଅଧୀନରେ ରହିଛି। ଜଙ୍ଗଲ ଅଧିକାର ଆଇନ ଅନୁଯାୟୀ ଏଠାରେ ବସବାସ କରୁଥିବା ଆଦିବାସୀ କାଜୁ ଜଙ୍ଗଲର ରକ୍ଷଣାବେକ୍ଷଣ କରିବା ସହ ଏହା ଉପରେ ଜୀବିକା ନିର୍ବାହ ପାଇଁ ନିର୍ଭର କରିଥାନ୍ତି। ତେବେ ସୁମଣ୍ଡଳ ଅଞ୍ଚଳର ଅଣ ଆଦିବାସୀ ଏହି ଜଙ୍ଗଲକୁ ଲିଜ୍ ସୂତ୍ରରେ ନେଇଥିଲେ। ଏହାକୁ ନେଇ ଆଦିବାସୀ ଓ ଅଣ ଆଦିବାସୀଙ୍କ ମଧ୍ୟରେ ଛକପଞ୍ଝା ଲାଗିରହିଥିଲା। ସୋମବାର ପ୍ରଭାକର, ତାଳସର ଗ୍ରାମର ଅଶୋକ ରାଉତ ଓ ସନିଆ ଜେନା ଉକ୍ତ ଜଙ୍ଗଲକୁ ଭାଲିଆ ସଂଗ୍ରହ ପାଇଁ ଯାଇଥିବାବେଳେ ଆଦିବାସୀମାନେ ବିରୋଧ କରିବାରୁ ଉଭୟ ଗୋଷ୍ଠୀ ମୁହଁାମୁହିଁ ଓ ପରେ ବୋମାମାଡ ହୋଇଥିଲା। ଘଟଣାସ୍ଥଳରେ ପ୍ରଭାକର ମୃତ୍ୟୁବରଣ କରିଥିବା ବେଳେ ଅଶୋକ ଓ ସନିଆ ଆହତ ହୋଇଥିଲେ। ସେମାନଙ୍କୁ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଖଲ୍ଲିକୋଟ ପୋଲିସ ମେଡିକାଲରେ ପହଞ୍ଚତ୍ବା ସହ ଉକ୍ତ ମାମଲାକୁ ବେଗୁନିଆପଡା ପୋଲିସକୁ ହସ୍ତାନ୍ତର କରିଛି। ପୁରୁଷୋତ୍ତମପୁର ଏସ୍ଡିପିଓ ସୀମା ସ୍ବାଇଁ, କୋଦଳା ତହସିଲଦାର ପ୍ରଭାତ କୁମାର ପରିଡ଼ା, ଥାନା ଅଧିକାରୀ ଦେବାଶିଷ ମହାନ୍ତି, ବେଗୁନିଆପଡା ଫାଣ୍ଡି ଅଧିକାରୀ ଦୀପ୍ତି ରଞ୍ଜନ ବେହେରା ପହଞ୍ଚତ୍ ତଦନ୍ତ ଜାରି ରଖିଛନ୍ତି।
