ଲାହୋର,୧୨।୬: ସାରା ବିଶ୍ୱ ଏବେ କରୋନ ଭାଇରସ୍ ସହ ଲଢୁଛି। ତେବେ ପାକିସ୍ତାନ ତା’ର ଇଂଲଣ୍ଡ ଗସ୍ତ ପାଇଁ ପ୍ରସ୍ତୁତି ଜାରି ରଖିଛି। ତେବେ ଏହି ଗସ୍ତରୁ ବ୍ୟକ୍ତିଗତ କାରଣ ଦର୍ଶାଇ ଅଭିଜ୍ଞ ଦ୍ରୁତ ବୋଲର ମହମ୍ମଦ ଆମୀର ଓ ବ୍ୟାଟ୍ସମ୍ୟାନ ହାରିସ ସୋହେଲ ଓହରିଯାଇଛିନ୍ତି। ଫଳରେ ପାକିସ୍ତାନର ପ୍ରସ୍ତୁତିକୁ ଜବରଦସ୍ତ ଝଟ୍କା ଲାଗିଛି। ଅଗଷ୍ଟ ଓ ସେପ୍ଟେମ୍ବରରେ ପାକିସ୍ତାନ ଘରୋଇ ଇଂଲଣ୍ଡ ବିପକ୍ଷରେ ୩ଟି ଲେଖାଏ ଟେଷ୍ଟ ଓ ଟି୨୦ ମ୍ୟାଚ୍ ଖେଳିବାର କାର୍ଯ୍ୟକ୍ରମ ରହିଛି। ନିଜର ଦ୍ୱିତୀୟ ସନ୍ତାନ ଜନ୍ମ ପାଇଁ ଅମୀର ଏହି ଗସ୍ତରୁ ଓହରିଯାଇଛନ୍ତି ବୋଲି ବୋଲି କହିଛନ୍ତି। ସେହିପରି ସୋହେଲ ପାରିବାରିକ କାରଣ ଦର୍ଶାଇ ଓହରିଯାଇଛନ୍ତି। ଏ ନେଇ ପାକିସ୍ତାନ କ୍ରିକେଟ ବୋର୍ଡ (ପିସିବି) ଘୋଷଣା କରିଛି। ଏହି ଗସ୍ତରେ ପାକିସ୍ତାନ ୧୪ଜଣ ସପୋର୍ଟ ଷ୍ଟାଫ୍ଙ୍କ ସହ ୨୮ ଜଣ ଖେଳାଳିଙ୍କୁ ପଠାଇବାକୁ ସ୍ଥିର କରିଛି। ଦେଶରେ କୋଭିଡ୍-୧୯ ମାମଲା ବୃଦ୍ଧି ପାଉଥିବାରୁ ପାକିସ୍ତାନ ଅଭ୍ୟାସ ଶିବିରକୁ ବାତିଲ କରିଛି।
