ନ୍ୟୁୟର୍କ: ଜଳବାୟୁ ପରିବର୍ତ୍ତନର ପ୍ରଭାବ ଯେ କେବଳ ଅର୍ଥନୀତିକୁ ପ୍ରଭାବିତ କରିଛି ତାହା ନୁହେଁ, ଏହା ବି ଆତ୍ମହତ୍ୟା ବୃଦ୍ଧିର ଏକ କାରଣ ବୋଲି ଗବେଷଣାରୁ ଜଣାପଡିଛି। ଏହି ତଥ୍ୟ ନେଚର କ୍ଲାଇମେଟ୍ ଚେଞ୍ଜ ଜର୍ନାଲରେ ପ୍ରକାଶ ପାଇଛି। ଏବେ ଯେଭଳି ତାପମାନ ବୃଦ୍ଧିପାଉଛି ୨୦୫୦ ମସିହାବେଳକୁ ଆମେରିକା ଓ ମେକ୍ସିକୋରେ ୨୧,୦୦୦ଟି ଅଧିକ ଆମତ୍ହତ୍ୟା ଘଟିବାର ଆଶଙ୍କା ପ୍ରକଟ କରିଛନ୍ତି ଗବେଷକମାନେ । ଆମେରିକାରେ ଆମତ୍ହତ୍ୟା ୧.୪ ପ୍ରତିଶତ ଓ ମେକ୍ସିକୋରେ ୨.୩ ପ୍ରତିଶତ ବୃଦ୍ଧି ପାଇବ ବୋଲି ଜର୍ନାଲରେ ଉଲ୍ଲେଖ ହୋଇଛି। ବର୍ଷର ଉତ୍ତପ୍ତ ମାସରେ ଆମତ୍ହତ୍ୟା ବୃଦ୍ଧିପାଇଥାଏ ବୋଲି ଗବେଷକମାନେ କହିଛନ୍ତି। ଆମତ୍ହତ୍ୟାର ଅନ୍ୟ ସବୁ କାରଣଠାରୁ ତାପମାନ ବୃଦ୍ଧିକୁ ଭିନ୍ନ ଭାବରେ ନେଇ ଅନୁଧ୍ୟାନ କରିଥିଲେ । ଅତୀତରୁ ଏବେଯାଏ ତାପମାନ ବୃଦ୍ଧିର ପୂରା ଇତିହାସ ସହ ସେହି ସ୍ଥାନରେ ଘଟିଥିବା ଆମତ୍ହତ୍ୟା ତଥ୍ୟକୁ ଅନେକ ବର୍ଷ ଧରି ଆମେରିକା ଓ ମେକ୍ସିକୋର ବହୁ ଅଞ୍ଚଳରେ ତୁଳନାମତ୍କ ଭାବେ ଗବେଷକମାନେ ଅନୁଧ୍ୟାନ କରିଥିଲେ। ଏହାପରେ ତାପମାନ ବୃଦ୍ଧି ଯୋଗୁ ଆମତ୍ହତ୍ୟା ବୃଦ୍ଧି ହେଉଥିବା ସିଦ୍ଧାନ୍ତରେ ସେମାନେ ପହଞ୍ଚତ୍ଥିଲେ । ଉତ୍ତପ୍ତ ଜଳବାୟୁ ଆମତ୍ହତ୍ୟାର କେବଳ ଏକ ପ୍ରମୁଖ କାରଣ କୁହାଯାଇପାରିବନାହିଁ , ଏହା ସହ ଅନ୍ୟ ବ୍ୟକ୍ତିଗତ ଓ ସାମାଜିକ କାରଣ ରହିଛି ବୋଲି କହିଛନ୍ତି ଗବେଷକମାନେ।
