ବ୍ରହ୍ମଗିରି, ୧୫ା୬(ଡି.ଏନ୍.ଏ.):ଚାକିରି ପ୍ରଲୋଭନ ଦେଖାଇ ଜଣେ ଓଡ଼ିଆ ଛାତ୍ରଙ୍କୁ ଇଣ୍ଡୋନେସିଆ ଡାକିନେଇଥିଲେ ଦଲାଲ। ସେଠାରେ ପହଞ୍ଚତ୍ବା ପରେ ଦଲାଲ କେଉଁଆଡେ ଫେରାର ହୋଇଯାଇଥିବା ବେଳେ ସେଠାକାର ପୋଲିସ ଛାତ୍ରଙ୍କୁ ଗିରଫ କରିଥିଲା। ସେଠାରେ ୧୬ଦିନ ସଂଘର୍ଷ କରିବା ପରେ ଶେଷରେ ବ୍ରହ୍ମଗିରି ବିଧାୟକ ଲଲିତେନ୍ଦୁ ବିଦ୍ୟାଧର ମହାପାତ୍ରଙ୍କ ହସ୍ତକ୍ଷେପ ଯୋଗୁ ଗୁୁରୁବାର ଛାତ୍ର ଜଣଙ୍କୁ ଉଦ୍ଧାର କରାଯାଇଥିବାବେଳେ ଶୁକ୍ରବାର ସେ ବ୍ରହ୍ମଗିିରି ବ୍ଲକ ଅନ୍ତର୍ଗତ ତାଙ୍କ ଗଁାରେ ପହଞ୍ଚତ୍ଛନ୍ତି।
ପୁରୀ ଜିଲା ବ୍ରହ୍ମଗିରି ବ୍ଲକ ଅନ୍ତର୍ଗତ ବିଜିପୁର ଗ୍ରାମର ଫକୀର ବରାଳଙ୍କ ବଡପୁଅ ସଂଗ୍ରାମ କେଶରୀ ବରାଳ(୨୦)। ଦିଲ୍ଲୀରେ ରହି ମର୍ଚ୍ୟାଣ୍ଟ ନାଭି କୋର୍ସ କରୁଥିଲେ। ଏହି ସମୟରେ ଇଣ୍ଡୋନେସିଆର ଏକ କମ୍ପାନୀରେ ଚାକିରି ସମ୍ପର୍କିତ ତଥ୍ୟ ଇଣ୍ଟରନେଟରୁ ଜାଣି ପାରିଥିଲେ। କିନ୍ତୁ ଏହା ଏକ ଦଲାଲ ସଂସ୍ଥା ବୋଲି ସେ ଜାଣି ନ ଥିଲେ। ପରେ ଏହି ସଂସ୍ଥା ସହିତ ସଂଗ୍ରାମ ଯୋଗାଯୋଗ କରି ଚାକିରି ପାଇଁ ଆବେଦନ କରିଥିଲେ। ଉକ୍ତ କମ୍ପାନୀଠାରୁ ଆପଏଣ୍ଟମେଣ୍ଟ ଲେଟର ମଧ୍ୟ ଆସିଥିଲା। ସଂପୃକ୍ତ କମ୍ପାନୀ ଭିଜା ଏବଂ ଅନ୍ୟାନ୍ୟ କାଗଜ ପତ୍ର ପାଇଁ ୨ଲକ୍ଷ ୩୦ ହଜାର ଟଙ୍କା ଦାବି କରିଥିଲା। ଏହାକୁ ପଇଠ କରିବା ପରେ ଗତ ମାସ ୨୮ ତାରିଖରେ ସଂଗ୍ରାମ ଇଣ୍ଡୋନେସିଆ ଯାଇଥିଲେ। ଇଣ୍ଡୋନେସିଆରେ ପହଞ୍ଚତ୍ବା ପରେ ଉକ୍ତ ଦଲାଲଙ୍କୁ ଫୋନ କରିବାରୁ ସେ ଫୋନ ଉଠାଇ ନ ଥିଲେ। ଏୟାର ପୋର୍ଟ ବାହାରେ ବସିଥିବା ସମୟରେ ସେଠାକାର ପୋଲିସ ସଂଗ୍ରାମଙ୍କୁ ତଲାସି କରିଥିଲା। ତାଙ୍କ ପାଖରେ କୌଣସି ଭିଜା କି ପାସପୋର୍ଟ ନ ଥିବାରୁ ତାଙ୍କୁ ଗିରଫ କରିଥିଲା। ୩ଲକ୍ଷ ଟଙ୍କା ଦେଲେ ତାଙ୍କୁ ଛଡାଯିବ ବୋଲି ଏକ ମେସେଜ ସଂଗ୍ରାମଙ୍କ ପରିବାରକୁ ଆସିଲା। ଏହା ଦେଖି ପରିବାର ଲୋକେ ବ୍ୟସ୍ତ ହୋଇପଡି ବିଧାୟକ ଲଲିତେନ୍ଦୁ ବିଦ୍ୟାଧର ମହାପାତ୍ରଙ୍କୁ ଜଣାଇଥିଲେ। ବିଧାୟକଙ୍କ ଉଦ୍ୟମରେ ବହିର୍ବ୍ୟାପାର ମନ୍ତ୍ରଣାଳୟ ସହ ଯୋଗାଯୋଗ କରାଯାଇଥିଲା। ପରେ ମନ୍ତ୍ରଣାଳୟ ସହଯୋଗରେ ଇଣ୍ଡୋନେସିଆରେ ଥିବା ଭାରତୀୟ ଦୂତାବାସ ସହ ଯୋଗାଯୋଗ କରାଯାଇ ସଂଗ୍ରାମଙ୍କୁ ଠାବ କରାଯାଇଥିଲା। ସଂଗ୍ରାମଙ୍କୁ ପାଖରେ ପାଇ ତାଙ୍କ ପରିବାର ଏବଂ ଗ୍ରାମବାସୀ ଆଶ୍ୱସ୍ତ ଓ ଖୁସି ହୋଇଯାଇଛନ୍ତି। ଇଣ୍ଡୋନେସିଆରେ ବିତାଇଥିବା ୧୬ ଦିନ ସମ୍ପର୍କରେ ସଂଗ୍ରାମ କହିବାବେଳେ ତାଙ୍କ ଆଖିରେ ଲୁହ ଆସିଯାଉଥିଲା। ଇଣ୍ଡୋନେସିଆ ଏକ ମୁସଲିମ୍ ବହୁଳ ଦେଶ ହୋଇଥିବାରୁ ସେଠାରେ ସେ କେବଳ ଶୁଖିଲା ଭାତ ଓ ପାଣି ପିଇ ରହିଥିଲେ ବୋଲି କହିଛନ୍ତି।
