ମାର୍ଗାଓ, ୯।୧ (ପି.ଟି.)- ଇଣ୍ଡିଆନ୍ ସୁପର୍ ଲିଗ୍ (ଆଇଏସ୍ଏଲ୍)ରେ ନିଜର ଶତକୀୟ ମ୍ୟାଚ୍ରେ ଏଫ୍ସି ଗୋଆ ବିଜୟୀ ହୋଇଛି। ବୁଧବାର ଖେଳାଯାଇଥିବା ମ୍ୟାଚ୍ରେ ଘରୋଇ ଏଫ୍ସି ଗୋଆ ୨-୦ ଗୋଲରେ ନର୍ଥଇଷ୍ଟ ୟୁନାଇଟେଡ୍କୁ ପରାସ୍ତ କରିଛି। ମ୍ୟାଚ୍ର ଦ୍ୱିତୀୟାର୍ଦ୍ଧରେ ଉଭୟ ଗୋଲ ଦେଖିବାକୁ ମିଳିଥିଲା। ୬୮ତମ ମିନିଟ୍ରେ ନର୍ଥଇଷ୍ଟର ମିସ୍ଲାଭ କୋର୍ମୋସ୍କିଙ୍କ ଆତ୍ମଘାତୀ ଗୋଲ ବଳରେ ଗୋଆ ୧-୦ରେ ଅଗ୍ରଣୀ ଲାଭ କରିଥିଲା। ଏହାପରେ ୮୨ତମ ମିନିଟ୍ରେ ଫେରାନ କୋରୋମିନାସ ପେନଲ୍ଟିକୁ ଗୋଲରେ ରୂପାନ୍ତରିତ କରି ଗୋଆକୁ ୨-୦ ଗୋଲରେ ବିଜୟୀ କରାଇଥିଲେ। ଆଇଏସ୍ଏଲ୍ରେ ଫେରାନଙ୍କ ଏହା ୪୯ତମ ଗୋଲ ଥିଲା। ଏହି ବିଜୟ ସହ ଏଫ୍ସି ଗୋଆ ପଏଣ୍ଟ ଟେବୁଲର ଶୀର୍ଷ ସ୍ଥାନକୁ ପ୍ରତ୍ୟାବର୍ତ୍ତନ କରିଛି। ଦ୍ୱାଦଶ ମ୍ୟାଚ୍ରୁ ୭ମ ବିଜୟ, ୨ଟି ପରାଜୟ ଓ ୩ଟି ଡ୍ର ସହ ୨୪ ପଏଣ୍ଟ ହାସଲ କରି ଏଟିକେ (୨୧) ଉପରେ ଏନ ନମ୍ବର ସ୍ଥାନେjର ରହିଛି। ଅପରପକ୍ଷରେ ନର୍ଥଇଷ୍ଟ ୧୦ ମ୍ୟାଚରୁ ୩ୟ ପରାଜୟ ସହ ୧୧ ପଏଣ୍ଟ ପାଇ ଟେବୁଲର ୮ମ ସ୍ଥାନରେ ରହିଛି।
