ବ୍ରହ୍ମପୁର ଅଫିସ,୨୪ା୫-ଆସ୍କା ଲୋକ ସଭା ଆସନରୁ ବିଜୟୀ ହୋଇଛନ୍ତି ବିଜେଡି ପ୍ରାର୍ଥୀନୀ ପ୍ରମିଳା ବିଷୋୟୀ। ସେ ଦୁଇ ଲକ୍ଷରୁ ଅଧିକ ଭୋଟରେ ବିଜୟ ହାସଲ କରିଛନ୍ତି। ପ୍ରମିଳାଙ୍କୁ ୫ଲକ୍ଷ ୫୨ହଜାର ୭୪୯ ଭୋଟ ମିଳିଥିବା ବେଳେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ତଥା ଭାଜପାର ଅନିତା ଶୁଭଦର୍ଶିନୀଙ୍କୁ ମିଳିଛି ୩ଲକ୍ଷ ୪୮ହଜାର ୪୨ ଖଣ୍ଡ ଭୋଟ। ଉଭୟଙ୍କ ମଧ୍ୟରେ ଭୋଟ ବ୍ୟବଧାନ ରହିଛି ୨ ଲକ୍ଷ ୪ହଜାର ୭୦୭। ପ୍ରମିଳାଙ୍କୁ ୫୪.୫୨% ଭୋଟ ମିଳିଥିବା ବେଳେ ଅନିତାଙ୍କୁ ମିଳିଛି ୩୪.୩୩% ଭୋଟ।
ଏହି ନିର୍ବାଚନମଣ୍ଡଳୀରେ ପ୍ରାର୍ଥୀ ହୋଇଥିବା ବହୁଜନ ସମାଜ ପାର୍ଟିର ପୂର୍ଣ୍ଣଚନ୍ଦ୍ର ନାୟକଙ୍କୁ ୮, ୫୪୯, ସିପିଆଇର ରାମକୃଷ୍ଣ ପଣ୍ଡାଙ୍କୁ ୫୯, ୯୭୮, ଅଲ୍ ଇଣ୍ଡିଆ ଫରୱାଡ ବ୍ଲକର ରାଜୀବ ଚନ୍ଦ୍ର ଖା ୫,୯୮୭, ସିପିଆଇ(ଏମ୍-ଏଲ୍) ରେଡଷ୍ଟାର ଶଙ୍କର ସାହୁଙ୍କୁ ୫,୯୯୯, ସ୍ବାଧୀନର ଚକ୍ରଧର ସାହୁଙ୍କୁ ୭, ୭୩୮ ଏବଂ କେ.ଶ୍ୟାମ ବାବୁ ସୁବୁଦ୍ଧିଙ୍କୁ ୭, ୪୭୬ ଖଣ୍ଡ ଭୋଟ ମିଳିଛି। ନୋଟାରେ ୧୭, ୩୪୪ ଭୋଟ ପଡ଼ିଛି।
