ଜୟପୁର,୨୬ା୬(ନି.ପ୍ର.): ଜୟପୁର ବ୍ଲକ ଅନ୍ତର୍ଗତ ଟାଙ୍କୁଆ ପଞ୍ଚାୟତ କେନାଲ ରାସ୍ତା ଉପରେ ଆରଡି ରାସ୍ତା ନିର୍ମାଣକୁ ଚାଷୀମାନେ ବିରୋଧ କରିଛନ୍ତି । ଉକ୍ତ ରାସ୍ତା ଜଗନ୍ନାଥପୁଟ-କୁସୁମପୁଟ ନାମରେ ନାମିତ ହୋଇ କାର୍ଯ୍ୟ ଚାଲୁଛି। ବିଭାଗୀୟ ମୁଖ୍ୟଯନ୍ତ୍ରୀ ତୁରନ୍ତ ସେଥିରେ ହସ୍ତକ୍ଷେପ କରି ଉକ୍ତ କାର୍ଯ୍ୟକୁ ଶୀତଳା ମନ୍ଦିର ଛକରୁ କରିବା ପାଇଁ ପଦକ୍ଷେପ ନିଅନ୍ତୁ ବୋଲି ଦାବି କରାଯାଇଛି। ଏନେଇ ଅପର କୋଲାବ ପ୍ରକଳ୍ପର ମୁଖ୍ୟଯନ୍ତ୍ରୀଙ୍କୁ ଦାବିପତ୍ର ମଧ୍ୟ ଦିଆଯାଇଛି। ସେଥିରେ ଉଲ୍ଲେଖ କରାଯାଇଛି ଯେ ଚାଷୀଙ୍କ ସ୍ବାର୍ଥ ଓ ଜଳସେଚନକୁ ଅଣଦେଖା କରି ଗ୍ରାମ୍ୟ ଉନ୍ନୟନ ବିଭାଗକୁ କେନାଲ ରାସ୍ତା ହସ୍ତାନ୍ତର କରାଯାଇଛି। ଆରଡି ବିଭାଗ ସେହି ରାସ୍ତା ନିର୍ମାଣ କଲେ ତଳମୁଣ୍ଡରେ ଅନେକ ଚାଷୀ ଜଳସେଚନରୁ ବଞ୍ଚତ୍ତ ହେବା ସହ ଭବିଷ୍ୟତରେ ଏହାର ମରାମତି କାର୍ଯ୍ୟରେ ବାଧା ସୃଷ୍ଟି ହେବ। ଯେଉଁ ରାସ୍ତାକାମ ଚାଲୁଛି, ସେଥିରେ ଘରୋଇ ଜମି ରହିଛି। ମୁଖ୍ୟଯନ୍ତ୍ରୀ ଏହାକୁ ଶୀତଳା ମନ୍ଦିର ଛକରୁ କରିବା ପାଇଁ ପଦକ୍ଷେପ ନିଅନ୍ତୁ ବୋଲି ଜୟପୁର ପଞ୍ଚାୟତ ସମିତି ପୂର୍ବତନ ଅଧ୍ୟକ୍ଷା ବୀରେନ ମୋହନ ପଟ୍ଟନାୟକ, ପ୍ରହ୍ଲାଦ ପାତ୍ର, ଶିଶିର କୁମାର ମିଶ୍ର, ପ୍ରତାପ ଚନ୍ଦ୍ର ମାଦଳା ଦାବି କରିଛନ୍ତି ।
