ନୂଆଦିଲ୍ଲୀ, ୨୬।୫: ଲୋକ ସଭା ନିର୍ବାଚନରେ ଦିଲ୍ଲୀରୁ ଆମ ଆଦମୀ ପାର୍ଟି(ଆପ୍) ଗୋଟିଏ ବି ଆସନ ହାତେଇପାରିନାହିଁ। ଏହାକୁ ନେଇ ଦଳରେ କନ୍ଦଳ ସୃଷ୍ଟି ହୋଇଛି। ଦଳର କିଛି ନେତା ପରାଜୟ ପାଇଁ ସିଧାସଳଖ ଦଳ ମୁଖ୍ୟ ଅରବିନ୍ଦ କେଜ୍ରିଓ୍ବାଲଙ୍କ ଦାୟୀ କରିଛନ୍ତି। ରବିବାର ଆପ୍ ନେତ୍ରୀ ଅଲକା ଲାମ୍ବା କହିଛନ୍ତି, କେଜିରଓ୍ବାଲ ତୁରନ୍ତ ନିଜ ପଦରୁ ଇସ୍ତଫା ଦିଅନ୍ତୁ। ତାଙ୍କ ସ୍ଥାନରେ ସଞ୍ଜୟ ସିଂଙ୍କୁ ଦଳର ସଂଯୋଜକ ଦାୟିତ୍ୱ ଦିଆଯାଉ ବୋଲି ସେ ଯୁକ୍ତି ବାଢିଛନ୍ତି। କେଜିରଓ୍ବାଲଙ୍କ ଯୋଗୁ ଆଜି ଦଳର ଏପରି ଅବସ୍ଥା। ତାଙ୍କ ଭୁଲ ନିଷ୍ପତ୍ତି କାରଣରୁ ଦଳଠାରୁ ଲୋକ ଦୂରେଇ ଯାଉଛନ୍ତି ବୋଲି ସେ ଅଭିଯୋଗ କରନ୍ତି। ସୂଚନାଯୋଗ୍ୟ, ଅଳକା ଲାମ୍ବା ଦଳ ସହ ମତଭେଦ କାରଣରୁ ଦଳ ଛାଡିବାର ଧମକ ଦେଇଛନ୍ତି।
