ନୂଆଦିଲ୍ଲୀ,୨୭।୭: ଭାରତୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭାଲଙ୍କ ୨ ଦିନିଆ ଜମ୍ମୁ-କଶ୍ମୀର ଗସ୍ତ ପରେ କେନ୍ଦ୍ର ସରକାର ଆତଙ୍କବାଦର ମୁକାବିଲା ପାଇଁ କଡ଼ା ପଦକ୍ଷେପ ଗ୍ରହଣ କରିଛନ୍ତି। ଜମ୍ମୁ-କଶ୍ମୀରରେ ଶାନ୍ତି ଲାଗି ଅଧିକ ୧୦ ହଜାର ସୁରକ୍ଷାକର୍ମୀଙ୍କୁ ଏଠାକୁ ପଠାଯିବା ପାଇଁ ଯୋଜନା କରାଯାଇଛି। ସେମାନଙ୍କୁ ଆତଙ୍କବାଦ ନିରୋଧୀ ଅପରେଶନ୍ରେ ନିୟୋଜିତ କରାଯିବ। ଏହି ସୁରକ୍ଷାକର୍ମୀଙ୍କୁ ଉତ୍ତର କଶ୍ମୀରରେ ମୁତୟନ କରାଯିବ ବୋଲି ଜମ୍ମୁ-କଶ୍ମୀର ଡିଜି ଦିଲ୍ବାଗ୍ ସିଂ ସୂଚନା ଦେଇଛନ୍ତି। ଉତ୍ତର କଶ୍ମୀରରେ ଶହେ କମ୍ପାନୀ ସୁରକ୍ଷାକର୍ମୀ ଅଛନ୍ତି। ପ୍ରତି କମ୍ପାନୀରେ ଶହେ ଜଣ ସୁରକ୍ଷାକର୍ମୀଙ୍କୁ ମୁତୟନ କରାଯିବାର ଯୋଜନା ରହିଥିବା ସେ କହିଛନ୍ତି। ଏନେଇ ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ନିର୍ଦ୍ଦେଶ ମଧ୍ୟ ଜାରି ହୋଇଛି।
