ବ୍ରହ୍ମପୁର ଅଫିସ,୭ା୫-କୋଭିଡ୍-୧୯ ଭୂତାଣୁ ସାରା ଦେଶ ତଥା ବିଶ୍ୱରେ ଭୟଙ୍କର ରୂପ ଧାରଣ କରିବାରେ ଲାଗିଛି । ଏହି ସମୟରେ ଇଲୋକ୍ଟ୍ରାନିକ୍ସ ଉପକରଣ ଦ୍ୱାରା ଏହି ଭୂତାଣୁ ସଂକ୍ରମଣକୁ ରୋକିବା ନେଇ ଏକ ସ୍ବତନ୍ତ୍ର ୟୁଭିସି(ଅଲ୍ଟ୍ରା ଭାଉଲେଟ୍ ଚାମ୍ବର) ସାନିଟାଇଜ୍ ମେଶିନ ପ୍ରସ୍ତୁତ କରିଛି ବ୍ରହ୍ମପୁର ଆଇଟିଆଇ । ଏହା ଦ୍ୱାରା ଜଳ ତଥା ସାନିଟାଇଜର ଦ୍ୱାରା ବିଶୋଧନ କରାଯାଇ ପାରୁ ନ ଥିବା ମୋବାଇଲ, ଲାପ୍ଟପ୍, ଟାବ୍ଲେଟ ଭଳି ଯାନ୍ତ୍ରିକ ଉପକରଣ ବିଶୋଧିତ କରାଯାଇ ପାରିବ ବୋଲି ଆଇଟିଆଇ ପକ୍ଷରୁ କୁହାଯାଇଛି ା କୋଭିଡ୍-୧୯ କ୍ଷେତ୍ରରେ କାର୍ଯ୍ୟରତ ସ୍ବାସ୍ଥ୍ୟ କର୍ମୀ, ଡାକ୍ତରମାନେ ବ୍ୟବହାର କରୁଥିବା ଇଲୋକ୍ଟ୍ରୋନିକ୍ସ ଉପକରଣ ଦ୍ୱାରା ଭୂତାଣୁ ସଂକ୍ରମିତ ହେବାର ଆଶଙ୍କା ରହିଥାଏ। ତେଣୁ ନିତ୍ୟ ବ୍ୟବହୃତ ମୋବାଇଲ, ଲାପଟପ୍ ସମେତ ସମସ୍ତ ବ୍ୟବହାର୍ଯ୍ୟ ଉପକରଣକୁ ସାନିଟାଇଜ୍ ତଥା ବିଶୋଧନ କରିବାର ଆବଶ୍ୟକତା ରହିଛି ା ତେବେ ଏହି ୟୁଭିସି ସାନିଟାଇଜ୍ରେ ବ୍ୟବହୃତ ଅଲଟ୍ରାଭାୟୋଲେଟ ରଶ୍ମି ଦ୍ୱାରା ମାତ୍ର ୧୫ ମିନିଟ ମଧ୍ୟରେ ସମସ୍ତ ଉପକରଣ ସାନିଟାଇଜ୍ କରାଯାଇ ପାରିବ ା ଏହି ଉପକରଣ ଘରେ ବ୍ୟବହୃତ ପୁରୁଣା ମାଇକ୍ରୋୱେଭ୍ ଓଭନ୍ ଉପକରଣର ଅପ୍ଗ୍ରେଡେଶନ କରାଯାଇ ପ୍ରସ୍ତୁତ କରାଯାଇଛି ା ମାତ୍ର ୧୨୦୦ ଟଙ୍କାରେ ଏହି ଉପକରଣ ପ୍ରସ୍ତୁତ ହୋଇପାରୁ ଥିବାରୁ ଏହାକୁ ଘର ଭିତରେ ମଧ୍ୟ ଇଲୋକ୍ଟ୍ରାନିକ୍ସ ଉପକରଣଗୁଡିକୁ ସାନିଟାଇଜ୍ ପାଇଁ ବ୍ୟବହାର କରାଯାଇ ପାରିବ ା ଇଣ୍ଡିଆନ୍ କାଉନ୍ସିଲ ଅଫ ମେଡିକାଲ ରିସର୍ଚ୍ଚ ଅନୁମତି ପତ୍ର ପ୍ରଦାନ ପରେ ଏହାକୁ ପ୍ରତ୍ୟେକ କୋଭିଡ୍-୧୯ ହସ୍ପିଟାଲକୁ ଯୋଗାଇ ଦିଆଯିବ ବୋଲି ଆଇଟିଆଇ ଅଧ୍ୟକ୍ଷ ଡ. ରଜତ କୁମାର ପାଣିଗ୍ରାହୀ ସୂଚନା ଦେଇଛନ୍ତି ା
