ଗ୍ରାହକମାନଙ୍କୁ ସମ୍ପୂର୍ଣ୍ଣ ନିରାମିଷ ସୁସ୍ବାଦୁ ବ୍ୟଞ୍ଜନ ପରଷିବା ଲକ୍ଷ୍ୟ ନେଇ ସମ୍ବଲପୁର ଏସ୍ଆର୍ଆଇଟି କଲୋନୀଠାରେ ଅତ୍ୟାଧୁନିକ କେଏଫ୍ଜି ରେସ୍ତୋରଁା ଶୁଭାରମ୍ଭ ହୋଇଛି। ଏଠାରେ ମୁଖ୍ୟତଃ ଅଥେଣ୍ଟିକ୍ ସାଉଥ ଇଣ୍ଡିଆନ, ଇଣ୍ଡିଆନ, କଣ୍ଟିନେଣ୍ଟାଲ, ତନ୍ଦୁରି, ଚାଇନିଜ୍, ଏକ୍ସକ୍ଲୁସିଭ୍ ଚାଟ, ଫେସିନେଟେଡ୍ ମକ୍ଟେଲ୍ ପ୍ରଭୃତି ବ୍ରେକଫାଷ୍ଟରୁ ଆରମ୍ଭ କରି ଡିନର୍ ପର୍ଯ୍ୟନ୍ତ ସମସ୍ତ ପ୍ରକାର ଖାଦ୍ୟ ପ୍ରସ୍ତୁତ ହେଉଛି। କିନ୍ତୁ ଏହି ରେସ୍ତୋରଁ।ର ଆ-ଲା କ୍ୟୁବ୍ ଡିଶ୍ ପୂରା ନିଆରା। ଗୋଟିଏ ପ୍ଲେଟର ମୂଲ୍ୟ ୨୦୦ ଟଙ୍କା। ୨ଜଣ ଗ୍ରାହକ ଆ-ଲା କ୍ୟୁବ୍କୁ ଷ୍ଟାର୍ଟର୍ରେ ଖାଇପାରିବେ ବୋଲି କହନ୍ତି ମୁଖ୍ୟ ସେଫ୍ ଫିରୋଜ ଖାନ୍ ।
ଆବଶ୍ୟକ ସାମଗ୍ରୀ:
ବ୍ରେଡ୍- ୨ ପିସ୍
ପାଳଙ୍ଗ- ୩୦୦ ଗ୍ରାମ
ବ୍ରେଡ୍ କ୍ରମ୍ଫ- ୨୦୦ ଗ୍ରାମ
ଆଳୁ – ୧୦୦ ଗ୍ରାମ
ଅରିଗାନୋ- ୩ ଗ୍ରାମ
ଚିଲି ପ୍ଲେକ୍ସ- ୩ ଗ୍ରାମ
ଗ୍ରିନ ମଟର୍- ୧୦ ଗ୍ରାମ
ରେଡ ସସ୍ – ୧୦ ଗ୍ରାମ
ହ୍ବାଇଟ୍ ସସ୍- ୧୦ ଗ୍ରାମ
ତେଲ- ୧୦୦ ଗ୍ରାମ
ଲୁଣ- ସ୍ବାଦ ଅନୁସାରେ
ପ୍ରସ୍ତୁତି ପ୍ରଣାଳୀ:
ପ୍ରଥମେ ସ୍ବଚ୍ଛ ପାତ୍ରରେ ପାଣି ରଖାଯାଏ। ପାଣିରେ ବ୍ରେଡ୍କୁ ଭିଜାଯାଏ। ଏହାପରେ ବ୍ରେଡ, ଆଳୁ, ବ୍ରେଡକ୍ରମ୍ଫକୁ ମିଶାଯାଇ ଦୁଇଭାଗରେ ବିଭକ୍ତ କରି ଗୋଲାକାର କରାଯାଏ। ଅଳ୍ପ ଆଞ୍ଚ ଉପରେ ଫ୍ରାଏପେନ୍ ରଖାଯାଇ ୧୦୦ ଗ୍ରାମ ତେଲ ଦିଆଯାଇଥାଏ। ତେଲ ଗରମ ହେବା ପରେ ଗୋଲାକାର ହୋଇ ପ୍ରସ୍ତୁତ ହୋଇଥିବା ବ୍ରେଡ୍, ଆଳୁ, ବ୍ରେଡକ୍ରମ୍ଫକୁ କୋଟ କରି ଡିପ୍୍ ଫ୍ରାଏ କରାଯାଏ। ଡିପ୍ ଫ୍ରାଏ ପରେ ପାଳଙ୍ଗ ସସ୍ ଦିଆଯାଏ। ପାଳଙ୍ଗ ସସ୍ ଉପରେ ରେଡ ଓ ହ୍ବାଇଟ୍ ସସ୍ ଦିଆଯାଇଥାଏ। ୨୦ ମିନିଟ ପରେ ଆ-ଲା କ୍ୟୁବ୍ ପ୍ରସ୍ତୁତ ହୋଇଥାଏ। ସୁସଜ୍ଜିତ ପ୍ଲେଟରେ ଆ-ଲା କ୍ୟୁବ୍ ରଖାଯାଇ ଗାର୍ନିସ୍ କରି ଗ୍ରାହକମାନଙ୍କୁ ପରଷା ଯାଇଥାଏ। ଏହି ଆ-ଲା କ୍ୟୁବ୍ ସଂପୂର୍ଣ୍ଣ ନିରାମିଷ। କିନ୍ତୁ ଗ୍ରାହକମାନେ ହଠାତ୍ ଦେଖିଲେ ଏହାକୁ ଆମିଷ ଭାବିଥାନ୍ତି। ଯଦ୍ଦ୍ବାରା ଏହା ନିରାମିଷ ଗ୍ରାହକମାନଙ୍କ ହୃଦୟକୁ ଛୁଇଁ ପାରିଛି।
