ଖୋର୍ଦ୍ଧା ଅଫିସ,୧୬।୬ : କରୋନା ନିୟନ୍ତ୍ରଣ ପାଇଁ ଖୋର୍ଦ୍ଧା ସବ୍ଡିଭିଜନ୍ରେ ଅପରାହ୍ନ ୨ଟାରୁ ପରଦିନ ସକାଳ ୬ଟା ପର୍ଯ୍ୟନ୍ତ ଶର୍ଟଡାଉନ୍ ଘୋଷଣା କରାଯାଇଛି। ଜୁନ ୩୦ ଯାଏ ଏହି କଟକଣା ବଳବତ୍ତର ରହିବ। ଏହି ସମୟରେ ସମସ୍ତ ଦୋକାନ ବଜାର ବନ୍ଦ ରହିବ । କେବଳ ଔଷଧ ଓ ପେଟ୍ରୋଲ ପମ୍ପ ଖୋଲା ରହିବ । ଏ ନେଇ ଜିଲାପାଳ ଶିତାଂଶୁ ରାଉତ ମଙ୍ଗଳବାର ସୂଚନା ଦେଇଛନ୍ତି। ତେବେ ଖୋର୍ଦ୍ଧା ସବ୍ଡିଭିଜନ୍ର ୬ଟି ବ୍ଲକ( ଖୋର୍ଦ୍ଧା ସଦର, ବେଗୁନିଆ, ବୋଲଗଡ଼, ଟାଙ୍ଗି, ଚିଲିକା ଓ ବାଣପୁର)ରେ ନିୟମ ଲାଗୁହେବ। ସେହିପରି ଭୁବନେଶ୍ୱର ସବ୍ଡିଭିଜନ୍ ଖୋର୍ଦ୍ଧା ସବ୍ଡିଭିଜନ୍ରୁ ଅଲଗା ଥିବାରୁ ଭୁବନେଶ୍ୱର ମହାନଗର ନିଗମ (ବିଏମ୍ସି), ବାଲିଅନ୍ତା, ବାଲି ପାଟଣା ଓ ଜଟଣୀ ବ୍ଲକରେ ଏହି ନିୟମ ଲାଗୁ ହେବ ନାହିଁ।
