ଆପିଆ(ସାମୋଆ),୧୨।୭(ପି.ଟି.)- ଭାରତୀୟ ଭାରୋତ୍ତୋଳନକାରୀ ଅଜୟ ସିଂ ଶୁକ୍ରବାର ରାଜ୍ୟଗୋଷ୍ଠୀ ଚାମ୍ପିୟନଶିପ୍ରେ କ୍ଲିନ୍ ଓ ଜର୍କ ଇଭେଣ୍ଟରେ ନୂଆ ରେକର୍ଡ କରିଛନ୍ତି। ୨୨ ବର୍ଷୀୟ ଭାରୋତ୍ତୋଳକ ୮୧ କି.ଗ୍ରା. ବର୍ଗର କ୍ଲିନ୍ ଓ ଜର୍କ ଇଭେଣ୍ଟରେ ୧୯୦ କି.ଗ୍ରା. ଭାର ଉଠାଇଥିଲେ, ଯାହାକି ତାଙ୍କ ଓଜନର ଦୁଇଗୁଣରୁ ଅଧିକ। ଏସିଆନ ୟୁଥ୍ ଓ ଜୁନିୟର ରାଜ୍ୟଗୋଷ୍ଠୀ ଚାମ୍ପିୟନଶିପ୍ ବ୍ରୋଞ୍ଜ ପଦକଧାରୀ ସ୍ନାଚ୍ ଇଭେଣ୍ଟରେ ୧୪୮ କି.ଗ୍ରା. ଭାର ଉଠାଇଥିଲେ। ମୋଟରେ ସେ ୩୩୮ କି.ଗ୍ରା. (୧୯୦+୧୪୮ କି.ଗ୍ରା.) ଉତ୍ତୋଳନ କରିଥିଲେ। ଏହା ଅଜୟଙ୍କ ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନ। ସେ ପୂର୍ବ ପ୍ରଦର୍ଶନ ଅପେକ୍ଷା ଅଧିକ ୧୮ କେଜି ଭାର ଉଠାଇଥିଲେ। ସମାନ ଓଜନ ବର୍ଗରେ ଅଜୟଙ୍କ ପଛକୁ ଆଉ ଜଣେ ଭାରତୀୟ ପାପୁଲ ଚାଙ୍ଗ୍ମାଇ ରୌପ୍ୟ ପଦକ ହାତେଇଛନ୍ତି। ୮୭ କେଜି ବର୍ଗରେ ପି. ଅନୁରାଧା ୨୨୧ କି.ଗ୍ରା. (୧୦୦+ ୧୨୧ କି.ଗ୍ରା.) ଭାର ଉଠାଇ ପୋଡିୟମର ଶୀର୍ଷ ସ୍ଥାନ ଅଧିକାର କରିଥିବାବେଳେ ଆର୍. ଭି. ରାହୁଲ ୮୯ କି.ଗ୍ରା. ବର୍ଗରେ ରୌପ୍ୟ ପଦକ ଅର୍ଜନ କରିଛନ୍ତି।
