ନୂଆଦିଲ୍ଲୀ, ୦୮।୦୭: ଅଭିଷେକ ଶର୍ମା ତାଙ୍କ ଅନ୍ତର୍ଜାତୀୟ କ୍ରିକେଟ୍ର ଡେବ୍ୟୁ ମ୍ୟାଚ୍ରେ ଫ୍ଲପ୍ ହୋଇଥିଲେ । ସେ ଜିମ଼୍ବାୱେ ବିପକ୍ଷରେ ପ୍ରଥମ-୨୦ ମ୍ୟାଚ୍ରେ ଓପନର୍ ଭାବେ ମଇଦାନକୁ ଓହ୍ଲାଇଥିବା ବେଳେ ଶୂନ ରନ୍ରେ ଆଉଟ୍ ହୋଇ ପାଭିଲିୟନ୍ ଫେରିଥିଲେ । କିନ୍ତୁ ରବିବାର ଖେଳା ଯାଇଥିବା ଦ଼୍ବିତୀୟ ମ୍ୟାଚ୍ରେ ସେ ଜବରଦସ୍ତ ପ୍ରଦର୍ଶନ କରି ଶତକୀୟ ପାଳି ଖେଳିଥିଲେ । ସେ ୪୭ ବଲ୍ରେ ଶତକ ହାସଲ କରିଥିଲେ । ଯେଉଁଥିରେ ୭ ଚୌକା ଏବଂ ୮ ଛକା ସାମିଲ୍ । ଅଭିଷେକଙ୍କର ଏହା ପ୍ରଥମ ଅନ୍ତର୍ଜାତୀୟ ଶତକ । ଯାହାକୁ ନେଇ ଗୁରୁ ଯୁବରାଜ ସିଂ ତାଙ୍କର ପ୍ରତିକ୍ରିୟା ପ୍ରକାଶ କରିଛନ୍ତି । ସେ ଅଭିଷେକଙ୍କ ମେଣ୍ଟର । ଯୁବରାଜ ଅଭିଷେକଙ୍କର ୧୩୨ ସେକେଣ୍ଡର ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ କଠିନ ପରିଶ୍ରମ କରୁଥିବା ଦେଖାଯାଉଛନ୍ତି ।
ଯୁବରାଜ କହିଛନ୍ତି ଯେ, ଗୋଟିଏ ଦିନରେ କିଛି ହେବ ନାହିଁ । କିନ୍ତୁ ସଫଳତା ପାଇବା ପାଇଁ ଲାଗାତାର ପରିଶ୍ରମ କରିବାକୁ ପଡ଼ିବ । ସୋମବାର ସେ ଅଭିଷେକଙ୍କ ଟ୍ରେନିଂ ସମୟର ଭିଡିଓ ସେୟାର କରି ଲେଖିଛନ୍ତି ଯେ, ନିରନ୍ତର ପ୍ରୟାସ ହିଁ ସଫଳତାର ଚାବିକାଠି । ପ୍ରଥମ ଅନ୍ତର୍ଜାତୀୟ ଶତକ ପାଇଁ ଅଭିଷେକଙ୍କୁ ଶୁଭେଚ୍ଛା । ଆଗକୁ ଏମିତି ବି ଜାରି ରହିବ ବୋଲି ସେ ଏଥିରେ ଲେଖିଛନ୍ତି ।
