ପୁରୁଷୋତ୍ତମପୁର,୨୮।୭( ସବିତାମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ସହର କାଳୀମନ୍ଦିର ଛକ ନିକଟରେ ସ୍ବଷ୍ଚ ଦିବାଲୋକରେ ଜଣେ ଯୁବକଙ୍କୁ ଖଣ୍ଡାରେ ଆକ୍ରମଣ ହୋଇଥିଲା ।ନିର୍ମମଭାବରେ ହାଣି ହତ୍ଯାଉଦ୍ଯମ କରିବା ଘଟଣାରେ ଜଣେ ଅଭିଯୁକ୍ତଙ୍କୁ ପୋଲିସ ଘଟଣାର ୨୪ଘଣ୍ଟା ମଧ୍ଯରେ ସୋମବାର ରାତ୍ରରେ ଗିରଫ କରି କୋର୍ଟଚାଲାଣ କରିବାରେ ସକ୍ଷମହୋଇଛି । ଏହାସହ ଏକ ଘଟଣାରେ ବ୍ଯବହୃତ ଖଣ୍ଡା ଓ ଏକ ସ୍କୁଟି ନଂଓଡି୦୭ଏକ୍ସ ୭୫୩୩ କୁ ମଧ୍ଯ ଜବତ କରାଯାଇଛି ।
ଗିରଫ ଯୁବକ ହେଲେ ରାଜପୁର ଗ୍ରାମର ପାଣ୍ଡା ଓରଫ ପ୍ରଶନ୍ନକୁମାର ବେହେରା । ଅନ୍ଯ ଫେରାର ଅଭିଯୁକ୍ତ ଦ୍ବୟଙ୍କୁ ମଧ୍ଯ ଗିରଫ କରିବା ଲାଗି ପୋଲିସ ପକ୍ଷରୁ ସ୍ବତନ୍ତ୍ରଟିମ ଗଠନ କରି ଚଢାଉ ଚାଲିଛି । ଏହାର କେସନଂ ୪୬୯/୨୬ ବୋଲି ଆଇଆଇସି କୁଳମଣି ସେଠୀ କହିଛନ୍ତି ।
ସୂଚନାଯୋଗ୍ଯଯେ ରବିବାର ଅପରାହ୍ନରେ କବିସୂର୍ଯ୍ଯନଗର ଥାନା ଅନ୍ତର୍ଗତ ବଡଖରିଡା ବାଣନଇ ଗ୍ରାମର ବଣ୍ଚିବାରିକ ନିଜଗ୍ରାମରୁ ପୁରୁଷୋତ୍ତମପୁର ଆସି କାଳୀମନ୍ଦିରଛକନିକଟରେ ଏକ ଗ୍ଯାରେଜରେ ମୋଟର ସାଇକେଲକୁ ମରାମତି କରୁଥିଲେ । ଏହି ସମୟରେ ତିନିଜଣ ଯୁବକ ସ୍କୁଟିରେ ଆସି ଅକର୍କିତଭାବରେ ଖଣ୍ଡାରେ ହାଣିପକାଇଥିଲେ । ଉପସ୍ଥିତ ଲୋକେ ପାଟିକରିବାରୁ ଘଟଣାସ୍ଥଳରୁ ଚମ୍ପଟ ମାରିଥିଲେ । ତେବେ ଏଭଳି ଆକ୍ରମଣ କରିବାର କାରଣ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇପାରି ନାହିଁ ।
