ତୁମୁଡିବନ୍ଧ,୫।୩(ଦୀପକ କୁମାର ପରାସେଠ): ବାର୍ହା ଆକ୍ରମଣରେ ଜଣେ ଯୁବକ ଗୁରୁତର ହୋଇଛନ୍ତି । ଏପରି ଘଟଣା କନ୍ଧମାଳ ଜିଲା ତୁମୁଡିବନ୍ଧ ବ୍ଳକ ଲଂକାଗଡ଼ ପଞ୍ଚାୟତର ହାତିମୁଣ୍ଡା ଗ୍ରାମରେ ଦେଖିବାକୁ ମିଳିଛି ଗୁରୁତର ଯୁବକ ହେଲେ ଲଂକାଗଡ଼ ପଞ୍ଚାୟତର ପୂର୍ବତନ ସରପଞ୍ଚ ହର ପାତ୍ର ।
ମିଳିଥିବା ସୂଚନା ଅନୁସାରେ, ହର ପାତ୍ର ଗୁରୁବାର ସକାଳ ପ୍ରାୟ ୭ଘଣ୍ଟା ସମୟରେ ଘର ଠାରୁ ପ୍ରାୟ ୧କିମି ଦୂର ନିଜ କ୍ଷେତ ପାଖରେ ଥିବା କାଜୁ ବଗିଚାକୁ କାମ କରିବାକୁ ଯାଇଥିଲେ । ସେହି ସମୟରେ ହଠାତ ଜଙ୍ଗଲି ବାର୍ହା ଆସି ଆକ୍ରମଣ କରିଥିଲେ । ହାତରେ ଏକଲାଠି ଧରିଥିବା ଫଳରେ ବାର୍ହା ସହିତ ଲଢେଇ କରିବା ପାଇଁ ସାହସ ଜୁଟିଥିଲା। ଏହା ପରେ କିଛି ସମୟ ଉଭୟଙ୍କ ମଧ୍ୟରେ ଲଢ଼େଇ ହୋଇଥିଲା। ସେହି ସମୟରେ ବାରା ହରଙ୍କ ଶରୀରର ଅନେକ ସ୍ଥାନକୁ କାମୁଡି ଦେଇଥିଲା ।
ସେ ସେଠାରେ ପଡ଼ି ରହି ଘରକୁ ଫୋନ ଯୋଗେ ଜଣାଇଥିଲେ । ଘରଲୋକ ତୁରନ୍ତ ଘଟଣା ସ୍ଥଳକୁ ଯାଇ ତାଙ୍କୁ ଉଦ୍ଧାର କରି ଘରକୁ ନେଇ ସେଠାରୁ ୧୦୮ଆମ୍ବୁଲାନ୍ସ ଯୋଗେ ତୁମୁଡିବନ୍ଧ ଗୋଷ୍ଠୀ ଚିକିତ୍ସାଳୟକୁ ଆଣି ଚିକିତ୍ସା କରାଯାଇଥିଲେ । ଏହାପରେ ଅବସ୍ଥା ଗୁରୁତର ହେବାରୁ ଅଧିକା ଚିକିତ୍ସା ପାଇଁ ବାଲିଗୁଡ଼ା ଉପଖଣ୍ଡ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।
ଏହି ବାବଦରେ ତୁମୁଡିବନ୍ଧ ବନାଞ୍ଚଳ ଅଧିକାରୀ ରଜନୀ କାନ୍ତ ମେହେରଙ୍କୁ ପଚାରିବାରୁ ସେ କହିଛନ୍ତି ଯେ ଘଟଣା ଘଟିବା ଖବର ପାଇ ଲଂକାଗଡ଼ ବନରକ୍ଷୀ ସୁବୋଧ କୁମାର ସାହୁ ଓ ସ୍କୁୱାର୍ଡ ଟିମଙ୍କୁ ଚିକିତ୍ସାଧୀନ ହର ପାତ୍ରଙ୍କ ନିକଟକୁ ପଠାଇ ସ୍ଥିତି ବାବଦରେ ଜାଣିବା ସହିତ ସରକାରୀ ସହାୟତା ପାଇଁ ଅନୁକମ୍ପା ଆପରେ ଆବେଦନ କରିବା ପାଇଁ ବ୍ୟବସ୍ଥା କରାଯିବ ବୋଲି କହିଛନ୍ତି ।
