ଆନନ୍ଦପୁର,୨୯।୪(ସୁଶାନ୍ତ କୁମାର ସାହୁ): ବୁଢୀ ମା’ର ଶୁଦ୍ଧିକ୍ରିୟାକୁ ଯିବାକୁ ମନା କରିବାରୁ ବଡଭାଇକୁ କୁରାଢୀରେ ହାଣି ପକାଇଲେ ସାନଭାଇ । ଗୁରୁତର ବଡଭାଇ ଏବେ ଡାକ୍ତରଖାନାରେ ମୃତ୍ଯୁ ସହ ସଂଗ୍ରାମ କରୁଥିବା ଜଣାପଡିଛି ।
ସୂଚନା ଅନୁସାରେ, ମଙ୍ଗଳବାର ବିଳମ୍ବିତ ରାତିରେ ଏଭଳି ଏକ ଘଟଣା ଘଟିଛି ଆନନ୍ଦପୁର ଉପଖଣ୍ଡ ସୋସୋ ଥାନା କଣ୍ଟିଗଡିଆ ଗାଁରେ । ଗାଁର ଅମର ଜେନା ଖାଇ ବିଶ୍ରାମ ନେଉଥିବା ସମୟରେ ସାନ ଭାଇ ଆକାଶ ଆସି ଘରେ ପହଁଞ୍ଚି ବୁଢିମା’ର ଶୁୁଦ୍ଧିକ୍ରିୟାକୁ ଯିବାକୁ ବଡଭାଇକୁ ଡାକିଥିଲେ । ହେଲେ କ୍ଳାନ୍ତି ଯୋଗୁଁ ଅମର ଯିବାକୁ ମନା କରିବାରୁ ଏଥିରେ ଉତକ୍ଷିପ୍ତ ହୋଇ ହଠାତ୍ ସାନଭାଇ ଆକାଶ ଅମରକୁ ତଳେ ପକାଇ ତା ଛାତି ଉପରେ ବସି ଏକ କୁରାଡୀରେ ମୁଣ୍ଡ ଓ କାନ୍ଧକୁ ଚୋଟ ପରେ ଚୋଟ ମାରି ଦେଇଥିଲେ ।
ପରିବାର ଲୋକେ ତାକୁ ପ୍ରଥମେ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ । ପ୍ରବଳ ରକ୍ତସ୍ରାବ ଯୋଗଁ ତାଙ୍କ ଅବସ୍ଥା ଅତି ଗୁରୁତର ଥିବାରୁ ପ୍ରାଥମିକ ଚିକିତ୍ସାପରେ ତାଙ୍କୁ କଟକ ପଠାଯିବ ବୋଲି ଡାକ୍ତର କହିଛନ୍ତି । ଏହି ଘଟଣା ନେଇ ଖବରପାଇ ପୋଲିସ୍ ତଦନ୍ତ ଆରମ୍ଭ କରିଛି ।
