କୁଆଁରମୁଣ୍ଡା,୨୬ା୩(ଡି.ଏନ୍.ଏ.): ସୁନ୍ଦରଗଡ଼ ଜିଲା କୁଆଁରମୁଣ୍ଡା ରେଳ ଷ୍ଟେଶନ ନିକଟସ୍ଥ କାଲୋସିହିରିଆ ରେଲଓ୍ବେ ବ୍ରିଜ୍ଠାରୁ ଶହେ ମିଟର ଦୂର ବୁଗଦା ପୁଲିଆ ନିକଟରେ ଥିବା ରେଳଧାରଣାର ଶନିବାର ମୁଣ୍ଡଗଣ୍ଡି ଅଲଗା ହୋଇପଡ଼ିଥିବା ଜଣେ ଯୁବତୀଙ୍କର ମୃତଦେହ ଦେଖିବାକୁ ମିଳିଛି। ମୃତ ଯୁବତୀଙ୍କର ପରିଚୟ ମିଳିନାହିଁ।
ପ୍ରତ୍ୟକ୍ଷଦର୍ଶୀଙ୍କ କହିବାନୁଯାୟୀ,ବରସୁଆଁରୁ ରାଉରକେଲା ହୋଇ ବୀରମିତ୍ରପୁରକୁ ଯାଉଥିବା ଏକ ମାଲବାହୀ ଟ୍ରେନ୍ ଯିବାର କିଛି କ୍ଷଣ ପୂର୍ବରୁ ଉକ୍ତ ଯୁବତୀ ଜଣଙ୍କ ରେଳଧାରଣାରେ ଶୋଇ ରହିଥିଲେ। ଫଳରେ ଟ୍ରେନରେ କଟି ତାଙ୍କର ଶରୀର ଦୁଇ ଖଣ୍ଡ ହୋଇଯାଇଛି। ଏନେଇ କୁଆଁରମୁଣ୍ଡା ଷ୍ଟେଶନମାଷ୍ଟର ସୌଲିପ୍ ମଣ୍ଡଳଙ୍କୁ ପଚାରିବାରୁ ସେ କହିଲେ ଆମେ ଉକ୍ତ ଖବର ପାଇଛୁ, ଜିଆରପି ପୋଲିସ ସେଠାରେ ପହଞ୍ଚି ତଦନ୍ତ କରିବା ପରେ ସବିଶେଷ ତଥ୍ୟ ଜଣାପଡ଼ିବ। ହେଲେ କାହିଁକି କେଉଁ କାରଣକୁ ନେଇ ଯୁବତୀ ଜଣଙ୍କ ଏପରି ଚରମ ପଦକ୍ଷେପ ନେଲେ ତାହା ଜଣାପଡ଼ିନାହିଁ।
