ଭାରତୀୟ ଦଳର ଯୁବ ବ୍ୟାଟର୍ ଯଶସ୍ବୀ ଜୟସ୍ବାଲଙ୍କୁ ବହୁତ ଫାଇଦା ହୋଇଛି। ସେ ଟି-୨୦ ର଼୍ୟାଙ୍କିଙ୍ଗ୍ର ଟପ୍ ୧୦ରେ ପହଞ୍ଚିଛନ୍ତି। ଇନ୍ଦୋରରେ ଖେଳାଯାଇଥିବା ମୁକାବିଲାରେ ଯଶସ୍ବୀ ଦମ୍ଦାର ଅର୍ଦ୍ଧଶତକ କରିଥିଲେ। ତାଙ୍କୁ ୭ଟି ସ୍ଥାନର ଫାଇଦା ହୋଇଛି। ଟିମ ଇଣ୍ଡିଆ ନିକଟରେ ଟି -୨୦ ସିରିଜରେ ଆଫଗାନିସ୍ତାନକୁ ୩-୦ରେ ପରାସ୍ତ କରିଛି।
ବ୍ୟାଟରଙ୍କ ଟି -୨୦ ର଼୍ୟାଙ୍କିଙ୍ଗରେ ସୂର୍ଯ୍ୟକୁମାର ଯାଦବ ଶୀର୍ଷରେ ରହିଛନ୍ତି। ସେ ୮୬୯ ରେଟିଂ ପାଇଛନ୍ତି। ଫିଲିପ ସାଲ୍ଟ ଦ୍ୱିତୀୟ ସ୍ଥାନରେ ଅଛନ୍ତି। ପାକିସ୍ତାନର ବ୍ୟାଟ୍ସମ୍ୟାନ ମହମ୍ମଦ ରିଜୱାନ ତୃତୀୟ ସ୍ଥାନରେ ଏବଂ ବାବର ଆଜାମ ଚତୁର୍ଥ ସ୍ଥାନରେ ଅଛନ୍ତି। ଦକ୍ଷିଣ ଆଫ୍ରିକାର କିମ୍ବଦନ୍ତୀ ଖେଳାଳି ଆଡେନ ମାର୍କ୍ରାମ ପଞ୍ଚମ ସ୍ଥାନରେ, ଯଶସ୍ବୀ ଷଷ୍ଠ ନମ୍ବରରେ ପହଞ୍ଚିଛନ୍ତି। ସେହିପରି ଭାରତୀୟ ବ୍ୟାଟର ଋତୁରାଜ ଗାୟକୱାଡ ୯ମ ସ୍ଥାନରେ ଅଛନ୍ତି।
