ନୂଆଦିଲ୍ଲୀ,୪।୫: ରାଜଧାନୀ ଦିଲ୍ଲୀର ଜନ୍ତର ମନ୍ତରରେ ଧାରଣାରେ ବସିଥିବା ମହିଳା ରେସଲରଙ୍କ ସହ ବୁଧବାର ପୋଲିସର ଧକ୍କା ମରାକୁ ନେଇ ରାହୁଲ ଗାନ୍ଧୀ ଭାରତୀୟ ଜନତା ପାର୍ଟି(ଭାଜପା) ଉପରେ ଖୁବ ବର୍ଷିଛନ୍ତି। ସେ କହିଛନ୍ତି ଦେଶର ଖେଳାଳିଙ୍କ ସହ ଏଭଳି ବ୍ୟବହାର ଅତ୍ୟନ୍ତ ନିନ୍ଦନୀୟ। ବେଟି ବଚାଓ ଅସଲରେ ଏକ ପ୍ରହସନ। ଭାଜପା ଦେଶର କନ୍ୟାଙ୍କ ସହ ଅତ୍ୟାଚାର କରିବାକୁ କେବେ ପଛଘୁଞ୍ଚା ଦେଇ ନ ଥାଏ।
ସୂଚନାଯୋଗ୍ୟ, ଜନ୍ତର ମନ୍ତରରେ ଧାରଣାରେ ବସିଥିବା ରେସଲରଙ୍କ ସହ ବୁଧବାର ରାତିରେ ପୋଲିସ ପକ୍ଷରୁ ଧକ୍କାମରା ହୋଇଛି। ଏହାପରେ ଗୁରୁବାର ସକାଳେ ରେସଲରମାନେ ଏକ ପ୍ରେସ କନଫରେନ୍ସ କରି କହିଛନ୍ତି କି ଆମ ଲଢେଇ ସରକାରଙ୍କ ସହ ନୁହେଁ ବରଂ କୁସ୍ତି ମହାସଂଘର ଅଧ୍ୟକ୍ଷ ବ୍ରିଜ ଭୂଷଣ ଶରଣ ସିଂଙ୍କ ସହ। ବ୍ରିଜ ଭୂଷଣଙ୍କ ନାଁରେ ଯୌନ ଉତ୍ପିଡନ ଅଭିଯୋଗ ଆଣି ଏହି ମହିଳା ରେସଲର ମାନେ ଧାରଣାରେ ବସିଛନ୍ତି।
