ସୋନେପତ, ୨୯ା୧୧ (ପି.ଟି.)-ଡୋପିଂ ପାଇଁ ୪ ବର୍ଷ ବାସନ୍ଦ ଦଣ୍ଡ ଭୋଗି ସାରିବା ପରେ ପ୍ରଥମ ଅନ୍ତର୍ଜାତୀୟ ଇଭେଣ୍ଟରେ ଭାଗନେବା ଲକ୍ଷ୍ୟରେ ଥିବା ରେସଲ୍ର ନରସିଂହ ଯାଦବ ଶନିବାର କୋଭିଡ୍୍ ଟେଷ୍ଟରେ ପଜିଟିଭ ହୋଇଛନ୍ତି। ଗ୍ରୀକୋ ରୋମାନ ରେସ୍ଲର ଗୁରପ୍ରୀତ୍ ସିଂ ମଧ୍ୟ କରୋନା ସଂକ୍ରମିତ ହୋଇଛନ୍ତି। ନରସିଂହ ବେଲଗ୍ରେଡ୍ରେ ଡିସେମ୍ବର ୧୨ରୁ ୧୮ ପର୍ଯ୍ୟନ୍ତ ହେବାକୁଥିବା ବ୍ୟକ୍ତିଗତ ବିଶ୍ୱକପ୍ ଇଭେଣ୍ଟରେ ଭାଗ ନେଇଥାନ୍ତୋ। ୭୪କେଜି ଶ୍ରେଣୀରେ ତାଙ୍କୁ ଜିତେନ୍ଦର କିନ୍ହାଙ୍କ ସ୍ଥାନରେ ମନୋନୀତ କରାଯାଇଥିଲା। ଉଭୟ ନରସିଂହ ଓ ଗୁରପ୍ରୀତ୍ଙ୍କ ପାଖରେ କୌଣସି କରୋନା ଲକ୍ଷଣ ପ୍ରକାଶ ପାଇ ନ ଥିଲା। ଏହି ଦୁଇ ଜଣଙ୍କ ବ୍ୟତୀତ ଫିଜିଓଥେରାପିଷ୍ଟ ବିଶାଲ ରାୟ ମଧ୍ୟ ମହାମାରୀ ଭାଇରସ୍ ଦ୍ୱାରା ସଂକ୍ରମିତ ହୋଇଛନ୍ତି। ପ୍ରତିଷେଧମୂଳକ ବ୍ୟବସ୍ଥା ସ୍ବରୂପ ଏହି ୩ ଜଣଙ୍କୁ ସୋନେପତସ୍ଥିତ ଭଗବାନ ମହାବୀର ଦାସ ହସ୍ପିଟାଲକୁ ସ୍ଥାନାନ୍ତର କରାଯାଇଛି।
