ମୁମ୍ବାଇ,୨୭ା୧୧: ନୂଆଦିଲ୍ଲୀରେ ଅନୁଷ୍ଠିତ ମହିଳା ପ୍ରିମିୟର ଲିଗ୍ (WPL) ୨୦୨୬ ମେଗା ନିଲାମରେ ଭାରତୀୟ ଅଲ୍ରାଉଣ୍ଡର ଦୀପ୍ତି ଶର୍ମା ଏପର୍ଯ୍ୟନ୍ତ ସବୁଠାରୁ ମହଙ୍ଗା ଖେଳାଳି ଭାବେ ବିକ୍ରି ହୋଇଛନ୍ତି। ୟୁପି ୱାରିୟର୍ସ (UPW) ତାଙ୍କୁ ୩.୨ କୋଟି ଟଙ୍କାରେ କିଣିଛି।
ନିଲାମ ସମୟରେ ଏକ ବଡ଼ ଡ୍ରାମା ଦେଖିବାକୁ ମିଳିଥିଲା। ପ୍ରାରମ୍ଭରେ ଦିଲ୍ଲୀ କ୍ୟାପିଟାଲ୍ସ (DC) ଦୀପ୍ତିଙ୍କୁ ୫୦ ଲକ୍ଷ ଟଙ୍କାରେ କିଣିଲା। କିନ୍ତୁ UPW ତୁରନ୍ତ ନିଜର ‘ରାଇଟ୍ ଟୁ ମ୍ୟାଚ୍’ (RTM) ବିକଳ୍ପ ବ୍ୟବହାର କରିଥିଲା। DC ପୁଣି ଥରେ ନିଜର ବିଡ୍ ବଢ଼ାଇଥିଲା, କିନ୍ତୁ UPW ସେହି ବଢ଼ାଯାଇଥିବା ମୂଲ୍ୟକୁ ମଧ୍ୟ ମ୍ୟାଚ୍ କରି ୩.୨ କୋଟି ଟଙ୍କାରେ ଦୀପ୍ତିଙ୍କୁ ନିଜ ଦଳରେ ସାମିଲ୍ କରିଥିଲା। ଏହି ବିଶାଳ ମୂଲ୍ୟ ଦେଖି ପୂର୍ବତନ ଭାରତୀୟ ଅଧିନାୟକ ସୌରଭ ଗାଙ୍ଗୁଲି ଆଶ୍ଚର୍ଯ୍ୟ ହୋଇଯାଇଥିଲେ।
ନିଲାମ ହୋଇଥିବା ଅନ୍ୟ ପ୍ରମୁଖ ଖେଳାଳିମାନେ ହେଲେ ନ୍ୟୁଜିଲ୍ୟାଣ୍ଡର ଅଲ୍ରାଉଣ୍ଡର ସୋଫି ଡିଭାଇନ୍ ୨ କୋଟି ଟଙ୍କାରେ ଗୁଜରାଟ ଜାଏଣ୍ଟ୍ସ (GG) କୁ ବିକ୍ରି ହୋଇଥିବାବେଳେ, ତାଙ୍କ ଦେଶର ଆମେଲିଆ କେରଙ୍କୁ ମୁମ୍ବାଇ ଇଣ୍ଡିଆନ୍ସ (MI) ୩ କୋଟି ଟଙ୍କାରେ କିଣିଛି।
ତେବେ ଅଭିଜ୍ଞ ଅଷ୍ଟ୍ରେଲିଆ ବ୍ୟାଟର୍ମାନଙ୍କ ଭାଗ୍ୟ ଭିନ୍ନ ଥିଲା। ମେଗ୍ ଲାନିଙ୍ଗ୍ ଙ୍କୁ UPW କିଣିଥିବାବେଳେ, ଆଲିସା ହିଲିଙ୍କୁ କିଣିବାକୁ କୌଣସି ଟିମ୍ ଆଗ୍ରହ ଦେଖାଇ ନ ଥିଲେ।
