ଲୋଇସିଂହା,୨୬।୨(ସୁଶାନ୍ତ ବାରିକ): ଗାଁରେ ଶ୍ରମିକ ବର୍ଗର ଲୋକଙ୍କୁ କାମ ଯୋଗାଇବା ସହିତ ସେମାନଙ୍କ ଆର୍ଥିକ ମାନଦଣ୍ଡରେ ଉନ୍ନତି ଆଣିବା ପାଇଁ କେନ୍ଦ୍ର ସରକାର ଏମ୍ଜିଏନ୍ଆରଇଜିଏସ୍ ଯୋଜନା କାର୍ଯ୍ୟକାରୀ କରିଛନ୍ତି। ହେଲେ ଏହି ଯୋଜନାରେ ବ୍ୟାପକ ହରିଲୁଟ ହେଉଥିବା ଅଭିଯୋଗ ହେଉଛି। ଉଚ୍ଚସ୍ତରୀୟ ତଦାରଖ ଅଭବାରୁ ଉକ୍ତ ବିଭାଗରେ ବ୍ଲକ ଓ ପଞ୍ଚାୟତସ୍ତରରେ କାର୍ଯ୍ୟରତ କର୍ମଚାରୀଙ୍କ ପାଇଁ ଏହି ଯୋଜନ ସୁନା ଅଣ୍ଡା ଦିଆ କୁକୁଡା ପାଲଟିଛି ବୋଲି ସାଧାରଣରେ ଆଲୋଚନା ହେଉଛି।
ଗତ ବୁଧବାର ବଲାଙ୍ଗୀର ଜିଲା ଲୋଇସିଂହା ବ୍ଲକର ୫ଟି ପଞ୍ଚାୟତ ଯଥା ବୁଢୀଦଦର, କୁଶମେଲ, ରତାଖଣ୍ଡି, ତାଲିଉଡାର ଓ ଉପରବାହାଲ ପଞ୍ଚାୟତରେ ମୋଟ ୬ଟି ପ୍ରକଳ୍ପରେ ୧୮୭ ଜଣ ଶ୍ରମିକ କାମ କରିଛନ୍ତି। ସବୁଠାରୁ ଆଶ୍ଚର୍ଯ୍ୟର କଥା ଉପରବାହାଲ ପଞ୍ଚାୟତର ଜାମଜୁରି ଗ୍ରାମ୍ୟ ଡଙ୍ଗରରେ ଷ୍ଟାଗ୍ରେଡ ଟ୍ରେଚଂ କାମ ଚାଲିଛି। ଏହି ପ୍ରକଳ୍ପରେ ୪ଟି ମଷ୍ଟରରୋଲରେ ବୁଧବାର ୩୨ ଜଣ ଶ୍ରମିକ କାମ କରିଛନ୍ତି। ଏମଜିଏନଆରଇଜିଏସ ସାଇଟର ଏନଏମଏମଏସ ତଥ୍ୟରେ ଏହି ୪ଟି ଯାକ ମଷ୍ଟରରୋଲରେ ଭିନ୍ନ ଶ୍ରମିକଙ୍କ ଉପସ୍ଥାନ ଦର୍ଶା ଯାଇଥିବାବେଳେ ୯ ଜଣିଆ ଏକ ଗୋଷ୍ଠୀ ଶ୍ରମିକଙ୍କ ଏକ ପ୍ରକାର ଫଟୋ ଅପଲୋଡ ହୋଇଛି। ଯାହା କି ସଧାରଣରେ ସନ୍ଦେହ ସୃଷ୍ଟି ହେଉଛି। ଶ୍ରମିକଙ୍କ ଉପସ୍ଥାନ ପକାଇ ଦୈନିକ ମଜୁରୀ ଆମତ୍ସାତ କରାଯାଉଥିବା ଅଭିଯୋଗ ହେଉଛି। ଏହି ପ୍ରକଳପ୍ର ମାଷ୍ଟରରୋଲ ନଂ ୧୦୯୯୦ରେ ଜଣେ ମହିଲା ଏବଂ ୮ ଜଣ ପୁୁରଷ ଏପରିକି ମୋଟ ୯ ଜଣ ଶ୍ରମିକ କାମ କରିଥିବା ଦର୍ଶଯାଇଛି ଏବଂ ସେମାନଙ୍କ ଫଟୋ ମଧ୍ୟ ଉକ୍ତ ଏନଏମଏମଏସ ଆପରେ ଲୋଡ କରାଯାଇଛି। ସେହିପରି ମାଷ୍ଟରରୋଲ ୧୦୯୯୧ରେ ଜଣେ ମହିଳା ସମେତ ୬ ଜଣ ଶ୍ରମିକ, ୧୦୯୯୨ରେ କେବଳ ୮ ଜଣ ପୁରୁଷ ଶ୍ରମିକ ଏବଂ ୧୦୯୯୩ ରେ ଜଣେ ମହିଳା ସମେତ ୯ ଜଣ ଶ୍ରମିକ କାମ କରିଛନ୍ତି। ୪ଟି ଯାକ ମଷ୍ଟରରୋଲରେ ଭିନ୍ନ ଶ୍ରମିକଙ୍କ ନାମ ରହିଥିବାବେଳେ ଏକପ୍ରକାର ଫଟୋ ଅପଲୋଡ ହୋଇଛି। ସକାଳ ବେଳା ଫଟୋ ଅପଲୋଡ ହୋଇଥିବାବେଳେ ଅପରାହ୍ନ ସମୟର ଫଟୋ ମ୍ଯଯ ଅପଲୋଡ ନାହିଁ। ୧୦୯୯୨ ମାଷଟରରୋଲକୁ ଅନୁଧ୍ୟାନ କଲେ କେବଳ ୮ ଜଣ ପୁରୁଷ ଶ୍ରମିକ କାମ କରିଛନ୍ତି୍ ଏଠାରେ ଜଣେ ମହିଳା। ସମେତ ୯ ଜଣିଆ ଶ୍ରମିକଙ୍କ ଫଡୋ ରହିଛି।
ସେହିପରି ୧୯୦୯୧ରେ ୬ ଜଣ ଶ୍ରମିକ କରିଥିବାବେଳେ ୯ ଜଣିଆ ଶ୍ରମିକଙ୍କ ଫଟୋ ଅପଲୋଡ ସାଧାରଣରେ କାମର ସତ୍ୟତାକୁ ନେଇ ସନ୍ଦେହ ଗେରକୁ ଟାଣି ଆଣୁଛି। ଏସମ୍ପର୍କରେ କାମ ତଦାରଖ କରୁଥିବା ଗାଁ ସାଥୀ ରମେଶ ବିଶ୍ୱାଳଙ୍କୁ ପଚାରିବାରୁ ନେଟୱର୍କ ନ ଥିବାରୁ ଗୋଟିଏ ଫୋଟ ଅପଲୋଡ କରିଥିବା କହିଥିଲେ ା ଏହା ଗୋଟିଏଦିନ ପାଇଁ ଭୁଲ ହୋଇଥିବା ସ୍ବୀକାର କରିଥିଲେ। ବ୍ଲକର କର୍ମଚାରୀ ସାନ୍ତନୁ ଭୋଇ କହନ୍ତି, ଯଦି ଏପରି ଅନିୟମିତତା ହୋଇଛି ା ତେବେ ଶ୍ରମିକଙ୍କ ଶୂନ୍ୟ ଉପସ୍ଥାନ ପକାଯିବ ବୋଲି କହିଛନ୍ତି।
