ଘରେ ଗୃହପାଳିତ ପଶୁ ଅବା କୁକୁର ରଖିବାକୁ ଅଧିକାଂଶ ଲୋକ ଭଲ ପାଆନ୍ତି। ଏଥିମଧ୍ୟରୁ ଅଧିକାଂଶ ଘରର ସୁରକ୍ଷା ପାଇଁ କୁକୁର ରଖିଥାନ୍ତି। ବେଳେବେଳେ ଏହି କୁକୁର ଘରର ସଦସ୍ୟ ମଧ୍ୟ ପାଲଟି ଯାଇଥାଏ। ଘରର ସଦସ୍ୟ କୁକୁର ପାଇଁ ଅନେକ ଅର୍ଥ ମଧ୍ୟ ଖର୍ଚ୍ଚ କରିବାକୁ ପଛାଇ ନ ଥାନ୍ତି। ଏହାକୁ ସେମାନେ ନିଜ ପିଲାପରି ଭଲ ପାଇଥାନ୍ତି। ଏମିତି ଏକ କୁକୁର ହେଲା ‘ଫେବିୟୋ’।
ବ୍ରିଟେନର ଓ୍ବେଲ୍ସରେ ରହୁଥିବା ଏଲିସା ଥୋର୍ନେ ନାମକ ମହିଳା ଜୁଲାଇ ୨୦୨୦ରେ ଚାଇନିଜ୍ କ୍ରେଷ୍ଟେଡ୍ ପପ୍ପି କିଣିଥିଲେ। ଏହାକୁ ସେ ପ୍ରାୟ ୨.୫୦ ଲକ୍ଷ ଟଙ୍କାରେ କିଣିଥିଲେ। ଏହା ଦେଖିବାକୁ ଛୋଟ ଏବଂ ଅତି ସୁନ୍ଦର। ଏହାର ଶରୀର ଅପେକ୍ଷା ମୁଣ୍ଡ ଏବଂ ଲାଞ୍ଜରେ ଅଧିକ କେଶ ରହିଥାଏ। ଏହା ଦେଖିବାକୁ ବହୁତ ଆକର୍ଷଣୀୟ ମଧ୍ୟ। ଏଲିସା ଫେବିୟୋ ଏଲିସାଙ୍କର ଅନ୍ୟ ପିଲାମାନଙ୍କ ପରି ବୋଲି ସେ କୁହନ୍ତି। ବର୍ତ୍ତମାନ ପର୍ଯ୍ୟନ୍ତ ସେ ଫେବିୟୋଙ୍କ ଉପରେ ୧୨ ଲକ୍ଷରୁ ଊର୍ଦ୍ଧ୍ୱ ଟଙ୍କା ଖର୍ଚ୍ଚ କରିସାରିଲେଣି। ସୁନ୍ଦର ଚଷମା, ଦାମୀ ପୋଷାକ ପିନ୍ଧୁଥିବା ଏହି କୁକୁର ରାଜାଙ୍କ ପରି ଜୀବନ ବିତାଇଥାନ୍ତି। ଏଲିସା ସବୁ ସମୟରେ ନିଜ କୁକୁର ସହ ଫଟୋ ଉଠାଇ ସୋସିଆଲ ମିଡିଆରେ ଶେୟାର କରିଥାନ୍ତି। ଏହି ଫଟୋରେ କୁକୁର ବେକରେ ହିରା ବେଲ୍ଟ ପିନ୍ଧିଥିବାର ଦେଖିବାକୁ ମିଳୁଛି। ଫେବିୟୋ ସବୁବେଳେ ଅଡି କାରରେ ବୁଲିଥାଏ।
