ସାଧାରଣତଃ ମହିଳାମାନେ ମୁଣ୍ଡରେ ଗଜରା ବାନ୍ଧିବାକୁ ବହୁତ ପସନ୍ଦ କରିଥାନ୍ତି। ଜଣେ ମା ନିଜ ଝିଅ ପାଇଁ ଏକ ସ୍ବତନ୍ତ୍ର ଗଜରା ତିଆରି କରିଛନ୍ତି ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ଏହି ଗଜରାର ଫଟୋ ଏବେ ସୋସିଆଲ ମିଡିଆରେ ତୀବ୍ର ବେଗରେ ଭାଇରାଲ ହେଉଛି।
ସୁରେଖା ପିଲାଇ ନାମକ ଜଣେ ଟୁଇଟର ୟୁଜର ନିଜର ଟାଇମଲାଇନରେ ଏକ ସୁନ୍ଦର ଗଜରାର ଫଟୋ ଶେୟାର କରିଛନ୍ତି। ଯାହାକୁ ତାଙ୍କ ମା ଟିସୁ ପେପରରେ ତିଆରି କରିଥିଲେ। ପ୍ରଥମେ ଦେଖିଲେ ଆପଣ ଭାବିବେ ଏହା ଅସଲି ଫୁଲରେ ତିଆରି ହୋଇଛି। କିନ୍ତୁ ଏହା ଜମା ବି ଅସଲି ନୁହଁ। ଭାରତରେ କୌଣସି ପ୍ରତିଭାର ଅଭାବ ନାହିଁ। ଯାହାକୁ ପ୍ରମାଣ କରି ଦେଖାଇଛନ୍ତି ମହିଳା ଜଣକ। ସୁରେଖା ତାଙ୍କ ମାଙ୍କର ଖୁବ୍ ପ୍ରଶଂସା କରିଛନ୍ତି। ସେ ଫଟୋ ଶେୟାର କରି କ୍ୟାପଶନ ଲେଖିଛନ୍ତି, ଏହି ଗଜରା ମା ମୋ ପାଇଁ ତିଆରି କରିଛନ୍ତି। ମୋ ମା’ଙ୍କର ଗଣ୍ଠି ଦରଜ ସତ୍ତ୍ୱେ ସେ ଘଣ୍ଟା ଘଣ୍ଟା ବସି ରହି ମୋ ପାଇଁ ଏହା ତିଆରି କରିଛନ୍ତି।
ଏହି ଫଟୋକୁ ବର୍ତ୍ତମାନ ସୁଦ୍ଧା ୧୬୦୦ରୁ ଅଧିକ ୟୁଜର ଲାଇକ୍ କରିସାରିଲେଣି। କିଛି ଲୋକ ରିଟୁଇଟ୍ ମଧ୍ୟ କରିଛନ୍ତି। ଜଣେ ୟୁଜର ଲେଖିଛନ୍ତି, ଆପଣଙ୍କ ମା’ ଜଣେ ଅଦ୍ଭୁତ କଳାକାର। ଯାହା ଖୁବ୍ ଆଶ୍ଚର୍ଯ୍ୟକର।
