ଓ୍ବେଲିଂଟନ, ୧୧ା୧୨ (ଏପି)- ଓ୍ବେଷ୍ଟଇଣ୍ଡିଜ ବିପକ୍ଷ ଦ୍ୱିତୀୟ କ୍ରିକେଟ ଟେଷ୍ଟ ଖେଳିବେ ନାହିଁ ନ୍ୟୁଜିଲାଣ୍ଡ ଅଧିନାୟକ କେନ୍ ଓ୍ବିଲିୟମସନ। ତାଙ୍କ ସ୍ତ୍ରୀ ପ୍ରଥମ ସନ୍ତାନ ଜନ୍ମ ଦେବାକୁ ଥିବାରୁ ସେ ତାଙ୍କ ସହିତ ସମୟ ଦେବାକୁ ଚାହଁୁଛନ୍ତି। ଓ୍ବିଲିୟମସନ ପ୍ରଥମ ଟେଷ୍ଟରେ ତାଙ୍କ କ୍ୟାରିୟର ଶ୍ରେଷ୍ଠ ୨୫୧ ରନ ସ୍କୋର କରିଥିଲେ। ନ୍ୟୁଜିଲାଣ୍ଡ ଏହି ମ୍ୟାଚ ଏକ ଇନିଂସ ୧୩୪ ରନରେ ଜିତିଥିଲା। ଏଥିସହିତ ଦୁଇ ମ୍ୟାଚବିଶିଷ୍ଟ ଟେଷ୍ଟ ସିରିଜରେ ଦଳ ୧-୦ରେ ଅଗ୍ରଣୀ ଲାଭ କରିପାରିଥିଲା। ମାଉଣ୍ଟ ମଙ୍ଗାନୁଇଠାରେ ଅନୁଷ୍ଠିତ ପ୍ରଥମ ଟେଷ୍ଟରେ ପଦାର୍ପଣ ମ୍ୟାଚ ଖେଳିଥିବା ଓପନର ଓ୍ବିଲ ୟଙ୍ଗ୍ ନ୍ୟୁଜିଲାଣ୍ଡ ବ୍ୟାଟିଂ ଲାଇନ୍ ଅପ୍ରେ ରହିବେ। ଇଞ୍ଜୁରିଯୋଗୁ ପ୍ରଥମ ଟେଷ୍ଟରେ ଖେଳିପାରି ନ ଥିବା ଉଇକେଟକିପର ବି.ଜେ. ଓ୍ବାଟଲିଂ ଦଳକୁ ପ୍ରତ୍ୟାବର୍ତ୍ତନ କରିପାରନ୍ତି।
