ନୂଆଦିଲ୍ଲୀ,୧୨।୧୨: ଦିଲ୍ଲୀ ବିସ୍ଫୋରଣକୁ ନେଇ ଆଜି ବସୁଛି CCS ବୈଠକ। ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ବସୁଛି ସୁରକ୍ଷା ସଂପର୍କିତ କେନ୍ଦ୍ର କ୍ୟାବିନେ ବୈଠକ। ବୈଠକରେ ହୋଇପାରେ ବଡ଼ ନିଷ୍ପତ୍ତି। ପାକିସ୍ତାନ ବିରୋଧରେ ପ୍ରମାଣ ମିଳିଲେ ହୋଇପାରେ ବଡ଼ ଆକ୍ସନ। ପୁଲୱାମା ଆତଙ୍କବାଦୀ ଆକ୍ରମଣ ପରେ ଅପରେସନ ସିନ୍ଦୂର ଅଭିଯାନ ଚଳାଇଥିଲା ଭାରତ। ପରେ ସରକାର ବାରମ୍ବାର କହିଥିଲେ, ଯେ ଅପରେସନ ସିନ୍ଦୂର ବନ୍ଦ ହୋଇନାହିଁ, ବରଂ ସ୍ଥଗିତ ରଖାଯାଇଛି। ଏବେ ଦିଲ୍ଲୀ ବିସ୍ଫୋରଣ ସହ ପାକିସ୍ତାନର ଲିଙ୍କ୍ ବାହାରିଲେ ବଡ଼ ନିଷ୍ପତ୍ତି ନେଇପାରନ୍ତି କେନ୍ଦ୍ର ସରକାର।
i20 କାରକୁ ବିସ୍ଫୋରଣରେ ବ୍ୟବହାର କରାଯାଇଛି। ବିସ୍ଫୋରଣ ପଛରେ ଆତଙ୍କୀ ସଂଗଠନ ଜୈସ ଏ ମହମ୍ମଦର ସାଂଘାତିକ ଷଡ଼ଯନ୍ତ୍ର ରହିଥିବା କୁହାଯାଉଛି। ଲାଲକିଲ୍ଲା ଆକ୍ରମଣ ପରବର୍ତ୍ତୀ କାର୍ଯ୍ୟାନୁଷ୍ଠାନ ନେଇ ଆଜି ସୁରକ୍ଷା ସଂପର୍କିତ କ୍ୟାବିନେଟ୍ କମିଟିର ଗୁରୁତ୍ବପୂର୍ଣ୍ଣ ବୈଠକ ବସୁଛି । ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ବସିବାକୁ ଥିବା ଏହି ବୈଠକରେ ଲାଲକିଲ୍ଲା ବିସ୍ଫୋରଣର ଜବାବ କିଭଳି ଦେବ ଭାରତ, ତାହା ଉପରେ ସବିଶେଷ ଆଲୋଚନା କରାଯିବ।
ବିସ୍ଫୋରଣ ପୂର୍ବରୁ ସିସିଟିଭିରେ କଏଦ ହୋଇଛି ଡାକ୍ତର ଉମରର ଫଟୋ। ଜାମମ୍ମୁ କାଶା୍ମୀରରୁ ଉମରଙ୍କ ମାଆ ଓ ଭାଇଙ୍କୁ ଗିରଫ କରାଯାଇଛି । ଜୈସ ଏ ମହମ୍ମଦ ମହିଳା ୱିଙ୍ଗ ପାଇଁ କାମ କରିବା ଅଭିଯୋଗରେ ମହିଳା ଡାକ୍ତର ସାହିନଙ୍କୁ ବାନ୍ଧିଲା ପୋଲିସ। ଦିଲ୍ଲୀ ବିସ୍ଫୋରଣ ପଛରେ ଆତଙ୍କବାଦୀ ସଂଗଠନର ସଂପୃକ୍ତି ନେଇ ପ୍ରମାଣ ଖୋଜୁଛି ଏନଆଇଏ । ପ୍ରାଥମିକ ତଦନ୍ତରୁ ଏହା ଆତ୍ମଘାତୀ ବିସ୍ଫୋରଣ ନୁହେଁ ବୋଲି ସୂଚନା ମିଳିଛି ।
ଘଟଣାରେ ଆତଙ୍କୀ ଲିଙ୍କ୍ର ତଦନ୍ତ କରୁଛି ଏନଆଇଏ। ଆଉ ଯଦି ପାକିସ୍ତାନର ସମ୍ପୃକ୍ତି ନେଇ କୌଣସି ପ୍ରମାଣ ମିଳେ, ତେବେ ବଡ଼ କାର୍ଯ୍ୟାନୁଷ୍ଠାନ ନେଇପାରନ୍ତି ସରକାର ବୋଲି କୁହାଯାଉଛି । ତଦନ୍ତ ବେଳେ ଜଣାପଡ଼ିଛି, ଭାରତରେ କାମ କରୁଛି ଜୈସ ଏ ମହମ୍ମଦର ହ୍ବାଇଟ କଲାର ମଡେଲ। ଆତଙ୍କୀ ସଂଗଠନ ସ୍ଲିପର ସେଲ ଏଜେଣ୍ଟଭାବେ କାମ କରୁଛନ୍ତି ଡାକ୍ତର, ସରକାରୀ ଚାକିରିଆ, ଉଚ୍ଚ ଶିକ୍ଷିତ।
