ନୂଆଦିଲ୍ଲୀ,୨୫ା୧୧: ବନ୍ଧକ ମାନଙ୍କୁ ମୁକ୍ତ କରିବାକୁ ହମାସ ପକ୍ଷରୁ ବିଳମ୍ବ ହେବା ପରେ ଗାଜା ସିଟିରେ ଅପରେସନ ପୁଣି ଆରମ୍ଭ କରିବାକୁ ଧମକ ଦେଇଛି ଇସ୍ରାଏଲ। ବିଶେଷ ସୂତ୍ରରୁ ଇସ୍ରାଏଲ ମିଡ଼ିଆକୁ ମିଳିଥିବା ଖବର ଅନୁଯାୟୀ ଯଦି ଶନିବାର ମଧ୍ୟ ରାତ୍ରି ସୁଦ୍ଧା ବନ୍ଧକ ମାନଙ୍କୁ ମୁକ୍ତ କରାନଯାଏ ତେବେ ପୁଣି କାର୍ଯ୍ୟାନୁଷ୍ଠାନ ଆରମ୍ଭ ହେବ।
ଏହା ପୂର୍ବରୁ ହମାସ କହିଥିଲା ଯଦି, ”ଇସ୍ରାଏଲ ଗାଜା ସିଟିକୁ ସହାୟତା ଆସିବାକୁ ଦେବ ନାହିଁ ସେ ପର୍ଯ୍ୟନ୍ତ ଦ୍ୱିତୀୟ ବନ୍ଧକ ମାନଙ୍କୁ ଦ୍ୱିତୀୟ ପର୍ଯ୍ୟାୟ ମୁକ୍ତ କରିବାର ପ୍ରକ୍ରିୟା ବିଳମ୍ବିତ ହୋଇପାରେ।”
ତେବେ କତାର ହସ୍ତକ୍ଷେପରେ ଇସ୍ରାଏଲ ଏବଂ ହମାସ ମଧ୍ୟରେ ହୋଇଥିବା ନିଷ୍ପତ୍ତି ଅନୁଯାୟୀ ୧୫୦ ପାଲେଷ୍ଟାଇନ ନାଗରିକଙ୍କ ବଦଳରେ ହମାସ ୫୦ ବନ୍ଧକଙ୍କୁ ମୁକ୍ତ କରିବ। ଇସ୍ରାଏଲ ମୁକ୍ତ କାରବାକୁ ଥିବା କେତେକ ବନ୍ଦୀ ଇସ୍ରାଏଲ ମାଟିରେ ଅସ୍ତ୍ରଶସ୍ତ୍ର ଧରି ହିଂସା ସୃଷ୍ଟି କରିଥିଲେ। ତେବେ ଏହି ନିଷ୍ପତ୍ତି ପରେ ଇସ୍ରାଏଲ-ହମାସ ମଧ୍ୟରେ ଗତ ଚାରିଦିନ ହେବ ଯୁଦ୍ଧରେ ବିରାମ ଲାଗିଛି।
