୧୩ ସଂଖ୍ୟାକୁ ସମଗ୍ର ବିଶ୍ୱରେ ଅଧିକାଂଶ ଲୋକେ ଡରିଥା’ନ୍ତି ବା ଅଶୁଭ ବୋଲି ମନେ କରିଥା’ନ୍ତି। କିନ୍ତୁ ଜାଣନ୍ତି କାହିଁକି ଏହି ସଂଖ୍ୟାକୁ ଡରିଥାନ୍ତି ଲୋକେ। ତେବେ ଆସନ୍ତୁ ଜାଣିବା ଏ ସମ୍ପର୍କରେ…
ଏନେଇ ଏକ ସର୍ବେକ୍ଷଣ କରାଯାଇଥିଲା ଯେଉଁଥିରେ ପଶ୍ଚିମ ଦେଶର ଲୋକେ ୧୩ ସଂଖ୍ୟାକୁ ବେଶୀ ଡରୁଥିବାବେଳେ ଭାରତରେ ମଧ୍ୟ ଏହି ସଂଖ୍ୟାକୁ ଡରିଥାନ୍ତି। ଏଠାକାର ଅଧିକାଂଶ ଲୋକ ଏହି ସଂଖ୍ୟାକୁ ଅଶୁଭ ବୋଲି କହିଥାନ୍ତି। ଚଣ୍ଡୀଗଡ଼ରେ ୧୩ ସଂଖ୍ୟାକୁ ଲୋକେ ଭାରି ଭୟ କରିଥାନ୍ତି। ଏପରିକି ସହରର ନକ୍ସା ଆଙ୍କୁଥିବା ଆର୍କିଟେଷ୍ଟ ୧୩ ନମ୍ବର ବିଶିଷ୍ଟ ସେକ୍ଟର ମଧ୍ୟ ତିଆରି କରନ୍ତି ନାହିଁ। ଭାରତର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ମଧ୍ୟ ୧୩ ସଂଖ୍ୟାକୁ ଡରୁଥିଲେ। କାରଣ ତାଙ୍କର ପ୍ରଧାନମନ୍ତ୍ରିତ୍ୱ କାଳରେ ତାଙ୍କ ସରକାର ପ୍ରଥମ ଥର ୧୩ ଦିନ ରହିଥିଲା। ଏହା ପରେ ଯେତେବେଳେ ଶପଥ ଉତ୍ସବ ଆସିଲା ତାହା ମଧ୍ୟ ୧୩ ତାରିଖରେ ପଡ଼ିଲା। ଯେଉଁ ସରକାର ଗଠନ ହେଲା ତାହା ମାତ୍ର ୧୩ ମାସ ପର୍ଯ୍ୟନ୍ତ ଚାଲିଲା। ବାଜପେୟୀ ୧୩ ତମ ପ୍ରଧାନମନ୍ତ୍ରୀ ମଧ୍ୟ ଥିଲେ। ୧୩ଟି ଦଳର ସହଯୋଗରେ ୧୩ ତାରିଖରେ ସେ ସରକାର ଗଠନ ପାଇଁ ଶପଥ ନେଇଥିଲେ। ୧୩ ତାରିଖରେ ମଧ୍ୟ ପରାଜୟ ଲାଭ କରିଥିଲେ। ତେଣୁ ୧୩ ତାରିଖକୁ ଭାରତରେ ଏହି ଦୃଷ୍ଟିରୁ ଅଶୁଭ ବୋଲି ଗଣନା କରାଯାଏ।
