ନୂଆଦିଲ୍ଲୀ,୨୭।୨: ନ୍ୟୁଜିଲ୍ୟାଣ୍ଡ କ୍ରିକେଟ ଦଳର ଅଭିଜ୍ଞ ଦ୍ରୁତ ବୋଲର ନିଲ ୱାଗନର୍ ଅନ୍ତର୍ଜାତୀୟ କ୍ରିକେଟରୁ ବିଦାୟ ନେଇଛନ୍ତି। ଶେଷରେ ସେ ତାଙ୍କର ୧୨ ବର୍ଷର କ୍ୟାରିୟର ଶେଷ କରିବାକୁ କଠିନ ନିଷ୍ପତ୍ତି ନେଇଥିଲେ। ଦକ୍ଷିଣ ଆଫ୍ରିକା ବିପକ୍ଷ ଶେଷ ଟେଷ୍ଟ ଖେଳିବା ପରେ ବିଦାୟ ନେବାବେଳେ ତାଙ୍କ ଆଖିରେ ଲୁହ ଆସିଯାଇଥିଲା। ଫାଷ୍ଟ ବୋଲର ନିଲ ୱାଗନର୍ ୩୭ବର୍ଷ ବୟସରେ ଟେଷ୍ଟ କ୍ରିକେଟରୁ ଅବସର ନେଇଥିଲେ।
ଦକ୍ଷିଣ ଆଫ୍ରିକାରେ ଜନ୍ମିତ ୱାଗନର୍ ନ୍ୟୁଜିଲ୍ୟାଣ୍ଡ ପାଇଁ ୬୪ ଟି ଟେଷ୍ଟ ମ୍ୟାଚ ଖେଳିଥିଲେ ଯେଉଁଥିରେ ସେ ହାରାହାରି ୩୭ ରେ ୨୬୦ ୱିକେଟ ନେଇଥିଲେ। ନ୍ୟୁଜିଲ୍ୟାଣ୍ଡ ପାଇଁ ଟେଷ୍ଟ କ୍ରିକେଟରେ ଅଧିକାଂଶ ୱିକେଟ ନେଇଥିବା ବୋଲର ତାଲିକାରେ ସେ ପଞ୍ଚମ ସ୍ଥାନରେ ରହିଛନ୍ତି। ଏହି ବାମହାତୀ ଦ୍ରୁତ ବୋଲର ଗୁରୁବାର ଠାରୁ ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ ମ୍ୟାଚ ପାଇଁ ନ୍ୟୁଜିଲ୍ୟାଣ୍ଡ ଦଳରେ ସ୍ଥାନ ପାଇବା ସମ୍ଭାବନା ନଥିଲା ଏବଂ ସେ ପାଞ୍ଚ ଟେଷ୍ଟରୁ ଅବସର ଘୋଷଣା କରିଥିଲେ।
ୱାଗନର୍ ୨୦୧୨ରେ ଟେଷ୍ଟ କ୍ରିକେଟ ଡେବ୍ୟୁ କରିଥିଲେ ଏବଂ ନ୍ୟୁଜିଲ୍ୟାଣ୍ଡର ସବୁଠାରୁ ସଫଳ ଯୁଗର ଏକ ଗୁରୁତ୍ୱପୂର୍ଣ୍ଣ ଅଂଶ ଥିଲେ। ୨୦୨୨ରେ ଦଳକୁ ବିଶ୍ୱ ଟେଷ୍ଟ ଚାମ୍ପିଅନସିପ ଟାଇଟଲ ଜିତିବାରେ ସାହାଯ୍ୟ କରିବାରେ ସେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ୱାଗନର୍ ଖେଳିଥିବା ୬୪ ଟେଷ୍ଟ ମ୍ୟାଚ ମଧ୍ୟରୁ ନ୍ୟୁଜିଲ୍ୟାଣ୍ଡ ୩୪ ଟି ଜିତିଛି । ୱାଗନର୍ ୨୦୦୮ ରେ ଦକ୍ଷିଣ ଆଫ୍ରିକାରୁ ନ୍ୟୁଜିଲ୍ୟାଣ୍ଡ ଆସିଥିଲେ ଏବଂ ଓଟାଗୋ ପ୍ରଦେଶ ପାଇଁ ପ୍ରଥମ ଶ୍ରେଣୀ କ୍ରିକେଟ ରେ ନିଜର ପରିଚୟ ସୃଷ୍ଟି କରିଥିଲେ। ତେବେ ଏଥର ଟିମରେ ତାଙ୍କୁ ସ୍ଥାନ ନ ମିଳିବାରୁ ସେ କାନ୍ଦି କାନ୍ଦି ସନ୍ୟାସ ନେଇଛନ୍ତି।
