ନୂଆଦିଲ୍ଲୀ,୨୦।୧୧: ଆଇପିଏଲ ୨୦୨୫ ପାଇଁ ସମସ୍ତ ଦଳର ରିଟେଶନ ତାଲିକାକୁ ଦେଖିଲେ ଏହା ଜଣା ଯେ ଆଗାମୀ ସିଜନରେ ଅନେକ ଦଳର ଅଧିନାୟକ ପରିବର୍ତ୍ତନ ହେବାକୁ ଯାଉଛନ୍ତି। ଏହି ସମୟରେ ମୁମ୍ବାଇ ଇଣ୍ଡିଆନ୍ସ ପାଞ୍ଚ ଖେଳାଳିଙ୍କୁ ରିଟେନ ବେଳେ ମୋଟ ୭୫ କୋଟି ଟଙ୍କା ଖର୍ଚ୍ଚ କରିଛି। ଏମ୍ଆଇ ଫ୍ରାଞ୍ଚାଇଜ ଜସପ୍ରୀତ ବୁମ୍ରା, ହାର୍ଦ୍ଦିକ ପାଣ୍ଡ୍ୟା, ସୂର୍ଯ୍ୟକୁମାର ଯାଦବ, ରୋହିତ ଶର୍ମା ଏବଂ ତିଳକ ଭର୍ମାଙ୍କୁ ରିଟେନ କରିଛି। ଏଥିମଧ୍ୟରୁ ୪ ଜଣ ଖେଳାଳି ଅଛନ୍ତି ଯେଉଁମାନେ ଭାରତୀୟ ଦଳର ଅଧିନାୟକ ରହିଛନ୍ତି, ଏଭଳି ପରିସ୍ଥିତିରେ ପ୍ରଶ୍ନ ଉଠୁଛି ଯେ ଏଥର ମୁମ୍ବାଇର ଅଧିନାୟକ କିଏ ହେବେ?
ଯଦି ଆମେ ଇତିହାସକୁ ଦେଖିବା, ଗତ ବର୍ଷ ଏମ୍ଆଇ ରୋହିତ ଶର୍ମାଙ୍କୁ ଅଧିନାୟକତ୍ୱରୁ ହଟାଇ ତାଙ୍କ ସ୍ଥାନରେ ହାର୍ଦ୍ଦିକ ପାଣ୍ଡ୍ୟାଙ୍କୁ ସ୍ଥାନ ଦେଇଥିଲା। କିନ୍ତୁ ରୋହିତଙ୍କୁ ଅଧିନାୟକତ୍ୱରୁ ହଟାଇବା ନିଷ୍ପତ୍ତିକୁ ପ୍ରଶଂସକମାନେ ପସନ୍ଦ କରୁନଥିଲେ। ଗୋଟିଏ ପଟେ ରୋହିତଙ୍କଠାରୁ ଅଧିନାୟକତ୍ୱ ଛଡ଼ାଇବା ପାଇଁ ଏମଆଇ ମ୍ୟାନେଜମେଣ୍ଟକୁ ଟ୍ରୋଲ ହେବାକୁ ପଡୁଥିବାବେଳେ ହାର୍ଦ୍ଦିକଙ୍କ ଅଧିନାୟକତ୍ୱରେ ମୁମ୍ବାଇ ଇଣ୍ଡିଆନ୍ସ ଆଇପିଏଲ ୨୦୨୪ର ପଏଣ୍ଟ ଟେବୁଲରେ ଶେଷ ସ୍ଥାନରେ ରହିଥିଲା।
ଅକ୍ଟୋବର ୩୧ରେ ଯେତେବେଳେ ମୁମ୍ବାଇ ଇଣ୍ଡିଆନ୍ସ ସେମାନଙ୍କର ରଟେଶନ ତାଲିକା ପ୍ରକାଶ କରିଥିଲା, ସେତେବେଳେ ଏମ୍ଆଇ ମଧ୍ୟ ଘୋଷଣା କରିଥିଲା ଯେ ହାର୍ଦ୍ଦିକ ପାଣ୍ଡ୍ୟା ମଧ୍ୟ ଆସନ୍ତା ସିଜନରେ ଦଳର ଅଧିନାୟକ ହେବେ। ଏହି ନିଷ୍ପତ୍ତି ଅତ୍ୟନ୍ତ ଆଶ୍ଚର୍ଯ୍ୟଜନକ କାରଣ ଗତ ସିଜନରେ ମୁମ୍ବାଇ ପଏଣ୍ଟ ଟେବୁଲରେ ଶେଷ ସ୍ଥାନରେ ରହିଥିଲା । ଆପଣଙ୍କୁ ମନେ ପକାଇଦେଉଛୁ ଯେ ହାର୍ଦ୍ଦିକଙ୍କ ଅଧିନାୟକତ୍ୱରେ ଗୁଜରାଟ ଟାଇଟାନ୍ସ ୨୦୨୨ରେ ଆଇପିଏଲ ଟାଇଟଲ ଜିତିଥିବାବେଳେ ସେ ୨୦୨୩ରେ ଗୁଜରାଟକୁ ମଧ୍ୟ ଫାଇନାଲକୁ ନେଇଥିଲେ।
