ନୂଆଦିଲ୍ଲୀ,୧୯।୧୧: ବିସିସିଆଇ ଶୁକ୍ରବାର ଚେତନ ଶର୍ମାଙ୍କ ନେତୃତ୍ୱାଧୀନ ୪ ଜଣିଆ ସଦସ୍ୟ ବିଶିଷ୍ଟ ସିନିୟର ସିଲେକ୍ସନ କମିଟିକୁ ବହିଷ୍କାର କରିଛି। ଭାରତୀୟ କ୍ରିକେଟ ଦଳ ଟି୨୦ ବିଶ୍ୱକପ୍ ଫାଇନାଲରେ ପ୍ରବେଶ କରି ନ ପାରିବାରୁ ବୋର୍ଡ ଏହି ପଦକ୍ଷେପ ନେଇଛି। ଏଭଳି ସ୍ଥିତିରେ ନୂତନ ମୁଖ୍ୟ ଚୟନକର୍ତ୍ତା କିଏ ହେବ ସେ ନେଇ କଳ୍ପନାଜଳ୍ପନା ଆରମ୍ଭ ହୋଇଛି।
ରିପୋର୍ଟ ମୁତାବକ, ଭାରତୀୟ ଟିମ୍ର ପୂର୍ବତନ ଷ୍ଟାର କ୍ରିକେଟର ଅଜିତ ଅଗରକର ଜାତୀୟ ସିନିୟର ପୁରୁଷ ଚୟନକର୍ତ୍ତା ପଦବୀ ପାଇଁ ସବୁଠାରୁ ଆଗରେ ଅଛନ୍ତି। ପୂର୍ବରୁ ସେ ମଧ୍ୟ ଏହି ପଦ ପାଇଁ ଆବେଦନ କରିଥିଲେ। ହେଲେ ଏହି ଦୌଡ଼ରୁ ବାଦ୍ ପଡ଼ି ଯାଇଥିଲେ। ଚଳିତ ଥର କିନ୍ତୁ ସେ ବାଜିମାତ କରିପାରନ୍ତି ବୋଲି କୁହାଯାଉଛି।
କହିରଖୁଛୁ, ଅଗରକର ଏବେ ଇଣ୍ଡିଆନ୍ ପ୍ରିମିୟର ଲିଗ୍ରେ ଦିଲ୍ଲୀ କ୍ୟାପିଟାଲ୍ସ ଟିମ୍ ସହ ଅତିରିକ୍ତ କୋଚ୍ ଭାବେ କାମ କରୁଛନ୍ତି। ଯଦି ସେ ଏବେ ମୁଖ୍ୟ ଚୟନକର୍ତ୍ତା ପଦ ଲାଗି ଆବେଦନ କରନ୍ତି ତେବେ ତାଙ୍କୁ ଆଇପିଏଲ୍ରେ ଏହି ଦାୟିତ୍ୱ ଛାଡ଼ିବାକୁ ହେବ।
ଏହି ପଦବୀ ଲାଗି ଯୋଗ୍ୟତା:
-କୌଣସି ଖେଳାଳି ଯିଏ ୭ ନଚେତ ଅଧିକ ଟେଷ୍ଟ ମ୍ୟାଚ୍ ଖେଳିଥିବ।
-୩୦ ଫାଷ୍ଟ କ୍ଲାସ ମ୍ୟାଚ୍ ଖେଳିଥିବ
-୧୦ ଦିନିକିଆ ଅଥବା ୨୦ ଲିଷ୍ଟ-ଏ-ମ୍ୟାଚ୍ ଖେଳିବ
-୫ ବର୍ଷ ପୂର୍ବେ କ୍ରିକେଟରୁ ଅବସର ନେଇଥିବ
-ବିସିସିଆଇର କୌଣସି କମିଟିର ସଦସ୍ୟ ନ ଥିବ। ଆଗାମୀ ୫ ବର୍ଷ ଯାଏ ଦାୟିତ୍ୱ ତୁଲାଇପାରିବ
ଅଗରକରଙ୍କ କ୍ୟାରିୟର:
-୨୬ ଟେଷ୍ଟ, ୫୮ ଉଇକେଟ
-୧୯୧ ଦିନିକିଆ,୨୮୮ ଉଇକେଟ
-୪ ଟି୨୦, ୩ ଉଇକେଟ
-୩୨ ଆଇପିଏଲ୍ ମ୍ୟାଚ୍, ୨୯ ଉଇକେଟ
