Posted inଜାତୀୟ

ପ୍ରେମ ସିଂ ତମାଙ୍ଗ କିଏ? ମାତ୍ର ୧୧ ବର୍ଷ ପୂର୍ବେ ଗଢ଼ିଥିଲେ ଦଳ, ଏବେ ସିକିମ୍‌ରେ କ୍ଲିନ୍‌ ସୁଇପ୍‌ କରି ଦ୍ୱିତୀୟ ଥର ପାଇଁ ହେବେ ମୁଖ୍ୟମନ୍ତ୍ରୀ…

ଗ୍ୟାଙ୍ଗଟକ୍‌,୨।୬: ସିକିମ୍‌ରେ ହୋଇଥିବା ବିଧାନସଭା ନିର୍ବାଚନରେ ପୁଣିଥରେ ସିକିମ କ୍ରାନ୍ତିକାରୀ ମୋର୍ଚ୍ଚା(ଏସ୍‌କେଏମ୍‌) ସରକାର ଗଢ଼ିବାକୁ ଯାଉଛି। ନିର୍ବାଚନ କମିଶନଙ୍କ ପକ୍ଷରୁ ଜାରି ଫଳାଫଳ ଅନୁଯାୟୀ ଏସ୍‌କେଏମ୍‌ ପ୍ରଚଣ୍ଡ ବହୁମତ ଆଡକୁ ଅଗ୍ରସର ହେଉଛି। ୩୨ ବିଧାନସଭା ଆସନ ବିଶିଷ୍ଟ  ଏହି ରାଜ୍ୟରେ ଏସ୍‌କେଏମ୍‌ ଏଯାବତ ୧୪ ଆସନରେ ବିଜେତା ହୋଇସାରିଛି। ଏପରିକି ମୋଟ ୩୧ ଆସନରେ ଦଳ ଆଗୁଆ ଥିବାରୁ ଏସବୁରେ ବାଜିମାତ କରିବ ଦେଖାଯାଉଛି। ଏଣୁ ଦଳର ଅଧ୍ୟକ୍ଷ ପ୍ରେମ ସିଂ ତମାଙ୍ଗ ଲଗାତର ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀ ହେବେ।
ଆସନ୍ତୁ ଜାଣିବା ପ୍ରେମ ସିଂ ତମାଙ୍ଗ କିଏ? ସିକିମ ରାଜନୀତିରେ ତାଙ୍କ ପ୍ରବେଶ କିଭଳି ହେଲା? ତାଙ୍କ ଦଳ ଏସ୍‌କେଏମ୍‌ କିଭଳି ରାଜ୍ୟର ସବୁଠାରୁ ବଡ଼ ପାର୍ଟି ପାଲଟି ଲଗାତର ୨୪ ବର୍ଷ ଯାଏ ଶାସନ କ୍ଷମତାରେ ରହିଥିବା ସିକିମ ଡେମୋକ୍ରାଟିକ୍‌ ଫ୍ରଣ୍ଟ ହାତରୁ କ୍ଷମତା ଛଡ଼ାଇ ଆଣିଛି?
ପ୍ରେମ ସିଂ ତମାଙ୍ଗ କିଏ?
୧୯୬୮ ଫେବୃୟାରୀ ୫ରେ ପ୍ରେମ ସିଂଙ୍କ ଜନ୍ମ। ସେ ଦାର୍ଜିଲିଂର ଏକ କଲେଜରୁ ବିଏ ପଢ଼ିଛନ୍ତି। ଏହାପରେ ସେ ସରକାରୀ ସ୍କୁଲରେ ଶିକ୍ଷକତା କରିଥିଲେ। ହେଲେ ୩ ବର୍ଷ ଚାକିରି କରିବା ପରେ ସେ ସମାଜସେବା ଲାଗି ମନ ବଳାଇଥିଲେ। ପରେ ସେ ସିକିମ ଡେମୋକ୍ରାଟିକ୍‌ ଫ୍ରଣ୍ଟ(ଏସ୍‌ଡିଏଫ୍‌)ରେ ସାମିଲ ହୋଇଯାଇଥିଲେ। ଏଠାରୁ ତାଙ୍କର ରାଜନୈତିକ କ୍ୟାରିୟର ଆରମ୍ଭ ହୋଇଥିଲା। ୧୯୯୪ରୁ ସେ ଲଗାତର ୫ ଥର ସିକିମ ବିଧାନସଭାକୁ ନିର୍ବାଚିତ ହୋଇଥିଲେ। ୨୦୦୯ ଯାଏ ସେ ଏସ୍‌ଡିଏଫ୍‌ ସରକାରରେ କ୍ୟାବିନେଟ ମନ୍ତ୍ରୀ ଭାବେ କାମ କରିଥିଲେ।
୨୦୦୯ରେ ନିଜ ପାର୍ଟି କରିଥିଲେ?
୨୦୦୯ରେ ଯେବେ ଏସ୍‌ଡିଏଫ୍‌ ଲଗାତର ୪ର୍ଥ ଥର ଶାସନ କ୍ଷମତାରେ ଆସିବା ପରେ ମୁଖ୍ୟମନ୍ତ୍ରୀ ପବନ କୁମାର ଚାମଲିଂ ତାଙ୍କୂ ସରକାରରେ ମନ୍ତ୍ରୀ ପଦ ଦେବାକୁ ଅମଙ୍ଗ ହୋଇଥିଲେ। ଏଠାରୁ ହିଁ ଏସ୍‌ଡିଏଫ୍‌ରୁ ଦୂରେଇ ଯାଇଥିଲେ ପ୍ରେମ ସିଂ ତମାଙ୍ଗ। ପରେ ସେ ଇସ୍ତଫା ଦେଇ ୨୦୧୩ରେ ନିଜ ନୂଆ ଦଳ ସିକିମ୍‌ କ୍ରାନ୍ତିକାରୀ ମୋର୍ଚ୍ଚା ଗଢ଼ିଥିଲେ। ଏହାର ଆଗାମୀ ବର୍ଷ ୨୦୧୪ ରାଜ୍ୟରେ ହୋଇଥିବା ବିଧାନସଭା ନିର୍ବାଚନରେ ତାଙ୍କ ଦଳ ୧୦ ଆସନରେ ବିଜେତା ହୋଇଥିଲା। ସେହିଭଳି ୨୦୧୯ରେ ସେ ୧୭ ଆସନ ହାସଲ କରି ଏସ୍‌ଡିଏଫ୍‌କୁ ଶାସନ କ୍ଷମତାରୁ ବାହାର କରିଥିଲେ ଏବଂ ରାଜ୍ୟର ମୁଖ୍ୟମନ୍ତ୍ରୀ ହୋଇଥିଲେ।
୨୦୧୬ରେ ଯାଇଥିଲେ ଜେଲ:
ପ୍ରେମ ସିଂ ୧୯୯୪ ଏବଂ ୧୯୯୯ରେ ସରକାରୀ ଟଙ୍କାକୁ ହେରପେର କରିଥିବା ନେଇ ଦୋଷୀ ସାବ୍ୟସ୍ତ ହେବା ପରେ ତାଙ୍କୁ ବିଧାନସଭା ସଦସ୍ୟତା ହରାଇବାକୁ ପଡ଼ିଥିଲା। ଏପରିକି ତାଙ୍କୁ ଜେଲ ଯିବାକୁ ପଡ଼ିଥିଲା। ସେ ରାଜ୍ୟର ପ୍ରଥମ ନେତା ଥିଲେ ଯାହାଙ୍କୁ ଦଣ୍ଡ ମିଳିବା ପରେ ବିଧାନସଭା ସଦସ୍ୟ ପଦରୁ ହଟାଯାଇଥିଲା। ୨୦୧୮ରେ ଯେତେବେଳେ ଜେଲଦଣ୍ଡ ଭୋଗି ଫେରିବା ପରେ ତାଙ୍କୁ ବଡ଼ ଜନସମର୍ଥନ ମିଳିଥିଲା।

Enter your email to get our daily news in your inbox.

All Right Reserved By Dharitri.Com

ପୁଣି ହନିମୁନରେ ସ୍ୱାମୀଙ୍କୁ ହତ୍ୟା କଲେ ସ୍ତ୍ରୀ, ପ୍ରେମିକ ସହ ମିଶି ରଚିଲେ ଦୁର୍ଘଟଣାର ନାଟକ

ଶ୍ରୀଗଙ୍ଗାନଗର,୫।୨: ରାଜସ୍ଥାନରୁ ଏକ ଚାଞ୍ଚଲ୍ୟକର ହତ୍ୟାକାଣ୍ଡର ଖବର ସାମ୍ନାକୁ ଆସିଛି। ଜଣେ ନବବିବାହିତ ଯୁବକଙ୍କୁ ତାଙ୍କ ସ୍ତ୍ରୀ ନିଜ ପ୍ରେମିକ ସହ ମିଶି ଅତି ନିର୍ମମ ଭାବେ…

‘ମୋଦି, ତୁମର କବର ଖୋଳାଯିବ’, କାହିଁକି ଏପରି ସ୍ଲୋଗାନ ଦେଉଛି କଂଗ୍ରେସ? ରାଜ୍ୟ ସଭାରେ ପ୍ରଧାନମନ୍ତ୍ରୀ ମୋଦି ଦେଲେ…

ନୂଆଦିଲ୍ଲୀ,୫।୨: ରାଜ୍ୟ ସଭାରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ବିବୃତ୍ତିରେ କଂଗ୍ରେସକୁ କଡ଼ା ଟାର୍ଗେଟ କରିଥିଲେ। ସେ କହିଥିଲେ…

ବିବାହ ଚର୍ଚ୍ଚା ଭିତରେ ବେବି ବମ୍ପ ସହ ନଜର ଆସିଲେ ଅଭିନେତ୍ରୀ, ସାଥିରେ ଥିଲେ ବିବାହିତ ଅଭିନେତା

ମୁମ୍ବାଇ: ବଲିଉଡ ଅଭିନେତ୍ରୀ ମୃଣାଲ ଠାକୁର ବର୍ତ୍ତମାନ ଅଭିନେତା ଧନୁଷଙ୍କ ସହ ତାଙ୍କ ସମ୍ପର୍କ ଏବଂ ତାଙ୍କ ବିବାହ ଯୋଜନା ପାଇଁ ଖବରରେ ଅଛନ୍ତି। ଅଭିନେତ୍ରୀ ସମ୍ପ୍ରତି…

ଫେବୃୟାରୀ ୯ ରେ ହେବ ମୁଖ୍ୟମନ୍ତ୍ରୀଙ୍କ ଜନ ଅଭିଯୋଗ ଶୁଣାଣି 

ଭୁବନେଶ୍ୱର,୫।୨: ଆସନ୍ତା ସୋମବାର ଫେବୃଆରୀ ୯ ତାରିଖରେ ମୁଖ୍ୟମନ୍ତ୍ରୀଙ୍କ ଜନ ଅଭିଯୋଗ ଶୁଣାଣି ଅନୁଷ୍ଠିତ ହେବ । ମାନ୍ୟବର ମୁଖ୍ୟମନ୍ତ୍ରୀ ପୂର୍ବାହ୍ନ ୧୦ ଘଟିକାରୁ ୟୁନିଟ-୨, ଅଶୋକ…

ମେଘାଳୟରେ ଭୟଙ୍କର ଖଣି ବିସ୍ଫୋରଣ: ୧୬ ଶ୍ରମିକଙ୍କ ମୃତ୍ୟୁ, ଅନେକ ଫସି ରହିଥିବା ଆଶଙ୍କା

ନୂଆଦିଲ୍ଲୀ,୫।୨: ମେଘାଳୟର ଏକ ବେଆଇନ ଖଣିରେ ବିସ୍ଫୋରଣ ଘଟି ୧୬ ଶ୍ରମିକ ମୃତ୍ୟୁବରଣ କରିଛନ୍ତି। ଗୁରୁବାର ସକାଳେ ଥାଙ୍ଗସ୍କୁ ଅଞ୍ଚଳରେ ଘଟିଥିବା ଏହି ଦୁର୍ଘଟଣାରେ ଏବେ ମଧ୍ୟ…

IAS ସ୍ତରରେ ବଡ଼ ଧରଣର ଅଦଳବଦଳ: ଅରବିନ୍ଦ ପାଢ଼ୀଙ୍କୁ ରାଜସ୍ୱ ବିଭାଗ

ଭୁବନେଶ୍ୱର,୫।୨: ଓଡିଶା ସରକାର ସଚିବ ସ୍ତରରେ ବଡ଼ ଅଦଳବଦଳ କରିଛନ୍ତି। ଅନେକ ଅଭିଜ୍ଞ IAS ଅଧିକାରୀଙ୍କୁ ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ୱ ସହ ଅତିରିକ୍ତ କାର୍ଯ୍ୟଭାର ମଧ୍ୟ ଅର୍ପଣ…

ଆସିଲା ନୂଆ ଆଇନ, ମହିଳାଙ୍କୁ ମିଳିଲା ମୋଟରସାଇକେଲ ଚଳାଇବାକୁ ଅନୁମତି

ତେହେରାନ,୫।୨: ଇରାନ ସରକାର ମହିଳାମାନଙ୍କ ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ସ୍ଥାନୀୟ ଗଣମାଧ୍ୟମ ଅନୁଯାୟୀ, ଇରାନ ମହିଳାମାନଙ୍କୁ ଆଇନଗତ ଭାବରେ ମୋଟରସାଇକେଲ ଚଲାଇବାକୁ ଅନୁମତି ଦିଆଯାଇଛି।…

ଲଜ୍ଜା: ମୂକ ଓ ବଧିର ଝିଅକୁ ବଳାତ୍କାର କରି ଗର୍ଭବତୀ କଲେ ଜନ୍ମକଲା ବାପା

ମୁମ୍ବାଇ,୫।୨: ମୁମ୍ବାଇର କଫ୍ ପ୍ୟାରେଡ୍ ଅଞ୍ଚଳରୁ ଏକ ଅମାନବୀୟ ତଥା ହୃଦୟବିଦାରକ ଘଟଣା ସାମ୍ନାକୁ ଆସିଛି। ଜଣେ ୨୦ ବର୍ଷୀୟା ମୂକ ଓ ବଧିର ଯୁବତୀଙ୍କୁ ବଳାତ୍କାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala

Model This Week

ପିଲାଙ୍କ ଧରିତ୍ରୀ

Why Dharitri