ଆଧୁନିକ ଯୁଗରେ ପ୍ରତ୍ୟେକ କ୍ଷେତ୍ରରେ ଟେକ୍ନୋଲୋଜି ବା ପ୍ରଯୁକ୍ତିବିଦ୍ୟା ଯଥେଷ୍ଟ ଅଗ୍ରଗତି କରିଛି। ବିଶେଷକରି କୃଷିକାର୍ଯ୍ୟରେ। ଚାଷକୁ ସହଜ କରିବା ଏବଂ ଶସ୍ୟ ଉତ୍ପାଦନକୁ ସର୍ବାଧିକ କରିବା ପାଇଁ ଆଜିକାଲି ବିଭିନ୍ନ ପ୍ରକାର କୌଶଳ ଗ୍ରହଣ କରାଯାଉଛି।
ଯଦି ଆପଣ ଭାବନ୍ତି ଯେ, ଚାଷ କେବଳ ଜମିରେ ସମ୍ଭବ ତାହା ସମ୍ପୂର୍ଣ୍ଣ ଭୁଲ୍। ଏପରି ଏକ ଦେଶ ଅଛି, ଯେଉଁଠାରେ କାନ୍ଥରେ ମଧ୍ୟ ବିଭିନ୍ନ ପ୍ରକାରର ଫସଲ ଚାଷ କରାଯାଏ।
ଏଠାରେ ଧାନ ଏବଂ ଗହମ ସହିତ ପନିପରିବା ମଧ୍ୟ କାନ୍ଥରେ ଚାଷ କରାଯାଏ। ଏହି କୌଶଳ ଧିରେ ଧିରେ ସାରା ବିଶ୍ୱରେ ଲୋକପ୍ରିୟ ହେବାରେ ଲାଗିଛି। ଏହି କୌଶଳକୁ ଭର୍ଟିକାଲ ଫାର୍ମିଂ କିମ୍ବା ‘ଓ୍ବାଲ୍ ଫାର୍ମିଂ’ କୁହାଯାଏ।
ଭର୍ଟିକାଲ ଫାର୍ମିଂ ଅର୍ଥାତ୍ କାନ୍ଥରେ ଚାଷ କରୁଥିବା ଦେଶର ନାମ ଇସ୍ରାଏଲ। ପ୍ରକୃତରେ ଇସ୍ରାଏଲ ଏବଂ ଅନ୍ୟାନ୍ୟ ଅନେକ ଦେଶରେ ଚାଷଯୋଗ୍ୟ ଜମିର ଏକ ବଡ଼ ଅଭାବ ରହିଛି ଏବଂ ଏହି ସମସ୍ୟାରୁ ମୁକ୍ତି ପାଇବା ପାଇଁ ସେଠାକାର ଲୋକମାନେ ଭର୍ଟିକାଲ ଫାର୍ମିଂକୁ ଗ୍ରହଣ କରିଛନ୍ତି।
ଇସ୍ରାଏଲ ବ୍ୟତୀତ ଯୁକ୍ତରାଷ୍ଟ୍ର, ୟୁରୋପ ଏବଂ ଚାଇନାରେ ଭର୍ଟିକାଲ୍ ଫାର୍ମିଂ ଦ୍ରୁତଗତିରେ ବ୍ୟାପିବାରେ ଲାଗିଛି। ଏହି ପ୍ରକାରର ଫାର୍ମିଂର ସବୁଠାରୁ ବଡ଼ ସୁବିଧା ହେଉଛି କାନ୍ଥରେ ଗଛ ଲଗାଇବା ଦ୍ୱାରା ଘର ଭିତରେ ତାପମାତ୍ରା ରୋକାଯାଇଥାଏ। ଏହା ସହିତ ଏହା ଶବ୍ଦ ପ୍ରଦୂଷଣକୁ ମଧ୍ୟ ହ୍ରାସ କରିଥାଏ।
