ଅଧିକାଂଶ ଲୋକ ଫିଟ ରହିବାକୁ ଚାହାଁନ୍ତି। ଓଜନ ହ୍ରାସ କରିବା, ଶରୀରକୁ ପରଫେକ୍ଟ ଆକାରରେ ରଖିବା କିମ୍ବା ଚାପରୁ ମୁକ୍ତି ପାଇବା ବିଷୟରେ ଅନେକେ ଜିମ୍ ଯାଆନ୍ତି। ଅନେକ ଲୋକ ଏବେ ଏକ ସୁସ୍ଥ ଜୀବନଶୈଳୀ ଆଡକୁ ମୁହାଁଇଛନ୍ତି। ଏପରି ପରିସ୍ଥିତିରେ, ବ୍ୟାୟାମ କିମ୍ବା ଜିମ୍ ଦୈନନ୍ଦିନ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ପାଲଟିଯାଇଛି। କିନ୍ତୁ ଯେତେବେଳେ କେହି ଫିଟନେସ ଆରମ୍ଭ କରନ୍ତି, ତାଙ୍କ ମନରେ ନିଶ୍ଚିତ ଭାବରେ ଗୋଟିଏ ପ୍ରଶ୍ନ ଆସେ ଯେ ବ୍ୟାୟାମ ପାଇଁ ସର୍ବୋତ୍ତମ ସମୟ କ’ଣ, ସକାଳ ନା ସଂଧ୍ୟା?
କିଛି ଲୋକ ବିଶ୍ୱାସ କରନ୍ତି ଯେ ସକାଳେ ଶୀଘ୍ର ବ୍ୟାୟାମ କରିବା ଦ୍ୱାରା ଦିନଟି ଭଲରେ ଆରମ୍ଭ ହୁଏ ଏବଂ ଶୀଘ୍ର ଓଜନ ହ୍ରାସ ପାଏ, ଯେତେବେଳେ କିଛି ଲୋକ ସଂଧ୍ୟାରେ ବ୍ୟାୟାମ କରିବାକୁ ପସନ୍ଦ କରନ୍ତି କାରଣ ସେତେବେଳେ ଶରୀର ଅଧିକ ସକ୍ରିୟ ଥାଏ ଏବଂ ଥକାପଣ ମଧ୍ୟ ଦୂର ହୋଇଯାଏ। ଯଦି ଆପଣ ମଧ୍ୟ ଏ ବିଷୟରେ ଦ୍ୱନ୍ଦ୍ୱରେ ଅଛନ୍ତି, ତେବେ ଆସନ୍ତୁ ଆମେ ଆପଣଙ୍କୁ କହିବା ଯେ କେଉଁ ସମୟରେ ବ୍ୟାୟାମ କରିବା ଦାରା ଭଲ ଫଳାଫଳ ମିଳିପାରିବ।
ଯଦି ଆପଣ ସକାଳେ ବ୍ୟାୟାମ କରନ୍ତି, ତେବେ ଏହା ଶରୀରକୁ ସାରା ଦିନ ଉର୍ଜାପୂର୍ଣ୍ଣ ରଖିଥାଏ। ସକାଳର ତାଜା ପବନ ଏବଂ ଶାନ୍ତିରେ ବ୍ୟାୟାମ କରିବା ଶରୀର ଏବଂ ମନ ଉଭୟକୁ ସତେଜ କରିଥାଏ। ଏହା ଓଜନ ହ୍ରାସ ପାଇଁ ମଧ୍ୟ ଏକ ଭଲ ସମୟ କାରଣ ଖାଲି ପେଟରେ ହାଲୁକା କାର୍ଡିଓ ଚର୍ବି ବର୍ନ ପାଇଁ ଭଲ ବୋଲି ବିବେଚନା କରାଯାଏ। ସକାଳ ସମୟ ସାଧାରଣତଃ କମ ଭିଡ଼ ହୋଇଥାଏ, ତେଣୁ ବ୍ୟାୟାମ ରୁଟିନ କରିବା ସହଜ ହୋଇଥାଏ।
ସଂଧ୍ୟାରେ ବ୍ୟାୟାମ କରିବା ଦ୍ୱାରା ଶରୀର ଅଧିକ ସକ୍ରିୟ ଏବଂ ନମନୀୟ ରହିଥାଏ। ଦିନର କାର୍ଯ୍ୟକଳାପ ପରେ, ଶରୀର ଷ୍ଟ୍ରେଚିଂ ଏବଂ ଓ୍ବେଟ ଟ୍ରେନିଂ ପାଇଁ ଅଧିକ ପ୍ରସ୍ତୁତ ଥାଏ। ସେହିପରି, ସଂଧ୍ୟାରେ ମାଂସପେଶୀ ଶକ୍ତି ଏବଂ କାର୍ଯ୍ୟଦକ୍ଷତା ଶୀର୍ଷରେ ଥାଏ, ଯଦିଓ କେତେକ ସମୟରେ ସାରା ଦିନର କ୍ଳାନ୍ତି ଯୋଗୁଁ ବ୍ୟାୟାମ କରିବାରେ ଅସୁବିଧା ହୋଇପାରେ। ସଂଧ୍ୟାରେ ବ୍ୟାୟାମ ପରେ, ଲୋକମାନେ ସୁସ୍ଥ ଖାଦ୍ୟ ବିକଳ୍ପ ବାଛନ୍ତି, ଯାହା ସେମାନଙ୍କର ଖାଦ୍ୟକୁ ନିୟନ୍ତ୍ରଣରେ ରଖେ।
ବ୍ୟାୟାମ କରିବାର ସମୟ ଆପଣଙ୍କ ଆବଶ୍ୟକତା ଉପରେ ର୍ନିଭର କରେ। ଉଦାହରଣ ସୱରୂପ, ଯଦି ଆପଣ ଓଜନ ହ୍ରାସ କରିବାକୁ ଚାହାଁନ୍ତି, ତେବେ ସକାଳେ ବ୍ୟାୟାମ କରିବା ଶୀଘ୍ର ଫଳାଫଳ ଦିଏ। ଯଦି ଆପଣ ସାରା ଦିନ ଉର୍ଜାମୟ ରହିବାକୁ ଚାହାଁନ୍ତି, ତେବେ ସକାଳର ବ୍ୟାୟାମ ଲାଭଦାୟକ। ଯଦି ଆପଣ ଚାପ ମୁକ୍ତ କରିବାକୁ ଚାହାଁନ୍ତି, ତେବେ ସଂଧ୍ୟାରେ ବ୍ୟାୟାମ କରନ୍ତୁ। ମାଂସପେଶୀ ବିଲ୍ଡ ପାଇଁ ସଂଧ୍ୟାରେ ବ୍ୟାୟାମ ମଧ୍ୟ ଅଧିକ ପ୍ରଭାବଶାଳୀ।
