ନୂଆଦିଲ୍ଲୀ,୧୧।୮: ବିରାଟ କୋହଲି ଏବଂ ଏବି ଡିଭିଲିୟର୍ସଙ୍କ ସହ କଥା ହେବା ପରେ ଛତିଶଗଡ଼ର ମନୀଷ ବିସି ଏବଂ ଖେମରାଜ ବହୁତ ଖୁସି। ପ୍ରକୃତରେ ସେମାନେ ଏକ ସିମ କାର୍ଡ କିଣିଥିଲେ ଏବଂ ସେମାନଙ୍କୁ ସେହି ନମ୍ବର ଦିଆଯାଇଥିଲା ଯାହା ପୂର୍ବରୁ ରଜତ ପାଟିଦାର ବ୍ୟବହାର କରୁଥିଲେ। ଆଜ୍ଞା ହଁ, ଆରସିବି ଅଧିନାୟକ ରଜତଙ୍କ ନମ୍ବର।
ମନୀଷ ଏବଂ ଖେମରାଜ ଛତିଶଗଡ଼ର ଗାରିଆବନ୍ଦ ଜିଲାର ମାଡଗାଓଁରେ ରୁହନ୍ତି। ସେମାନେ ଜୁନ ୨୮ ତାରିଖରେ ଏକ ନୂତନ ସିମ କାର୍ଡ କିଣିଥିଲେ, ସେବେଠାରୁ ସେମାନଙ୍କୁ ନୂତନ ନମ୍ବରରେ ଏହି କଲ ଆସିବା ଆରମ୍ଭ ହେଲା। କଥା ହେଉଥିବା ବ୍ୟକ୍ତି ନିଜକୁ କୋହଲି କିମ୍ବା ଅନ୍ୟ କୌଣସି ବଡ଼ ଖେଳାଳି ଭାବରେ ପରିଚୟ ଦେଉଥିଲେ, ସେମାନେ ବିଶ୍ୱାସ କଲେ ନାହିଁ। ତା’ପରେ ଗୋଟିଏ ଦିନ ରଜତ ପାଟିଦାର ସେମାନଙ୍କୁ ଫୋନ କଲେ, ତା’ପରେ କଥାଟି ପୋଲିସ ପାଖରେ ପହଞ୍ଚିଲା।
ପିଟିଆଇ ସହିତ କଥାବାର୍ତ୍ତା ସମୟରେ ଖେମରାଜ କହିଥିଲେ ଯେ ସେ ଏବି ଡିଭିଲିୟର୍ସଙ୍କ ସ୍ବର ଶୁଣି ବହୁତ ଖୁସି ହୋଇଥିଲେ, ଯଦିଓ ପୂର୍ବତନ ଦକ୍ଷିଣ ଆଫ୍ରିକା ଅଧିନାୟକ ଇଂରାଜୀରେ କଥା ହୋଇଥିଲେ ତେଣୁ ସେ କିଛି ବୁଝିପାରିଲେ ନାହିଁ।
ସେ କହିଛନ୍ତି, ମୁଁ କେବେ ଭାବି ନଥିଲି ଯେ ମୁଁ ବିରାଟ କୋହଲିଙ୍କ ସହ କଥା ହେବି। ଯେତେବେଳେ ଏବି ଡିଭିଲିୟର୍ସ ଫୋନ କରିଥିଲେ, ସେ ଇଂରାଜୀରେ କଥା ହୋଇଥିଲେ। ଆମେ ଗୋଟିଏ ଶବ୍ଦ ମଧ୍ୟ ବୁଝିପାରିଲୁ ନାହିଁ, କିନ୍ତୁ ଆମେ ବହୁତ ଖୁସି ଥିଲୁ। ଯେତେବେଳେ ମନୀଷକୁ ଫୋନ ଆସୁଥିଲା, ସେ ମୋତେ ଦେଇ ଦେଉଥିଲା। ନିଜକୁ ବିରାଟ କୋହଲି ଏବଂ ଯଶ ଦୟାଲ ବୋଲି ପରିଚୟ ଦେଇ ସେ ପଚାରୁଥିଲେ ’ଆମେ ପାଟିଦାରଙ୍କ ନମ୍ବର କାହିଁକି ବ୍ୟବହାର କରୁଛୁ’। ଆମେ ତାଙ୍କୁ କହିଥିଲୁ ଯେ ଆମେ ଏକ ନୂତନ ସିମ କିଣିଛୁ ଏବଂ ଏହା ଆମର ନମ୍ବର। ଗାରିଆବଣ୍ଡର ଡେପୁଟି ସୁପରିଣ୍ଟେଣ୍ଡେଣ୍ଟ ଅଫ ପୋଲିସ ନେହା ସିହ୍ନା କହିଛନ୍ତି ଯେ, “ସେହି କ୍ରିକେଟରମାନେ ରଜତ ପାଟିଦାରଙ୍କ ସମ୍ପର୍କରେ ଥିବା ମନୀଷଙ୍କୁ ଫୋନ କରୁଥିଲେ। ପାଟିଦାର ମଧ୍ୟପ୍ରଦେଶ ସାଇବର ସେଲ୍କୁ ଜଣାଇଥିଲେ ଯେ ତାଙ୍କ ନମ୍ବର ଅନ୍ୟ କାହାକୁ ଦିଆଯାଇଛି, ଦୟାକରି ତାଙ୍କୁ ଫେରସ୍ତ କରନ୍ତୁ।
