ଦଶହରା, ଦୀପାବଳି ପରି କାର୍ତ୍ତିକ ପୂର୍ଣ୍ଣିମା ବି ହିନ୍ଦୁମାନଙ୍କର ଏକ ବିଶେଷ ପର୍ବ । ଜ୍ୟୋତିଷଶାସ୍ତ୍ର ଅନୁଯାୟୀ, ଏହିଦିନ କ’ଣ କଲେ ଭଗବାନଙ୍କ ଆଶୀର୍ବାଦପ୍ରାପ୍ତ ହେବା ସହ ଘରେ ସୁଖଶାନ୍ତି ବୃଦ୍ଧି ହେବ ଆସନ୍ତୁ ଜାଣିବା ସେ ସମ୍ପର୍କରେ…
* ମାନ୍ୟତା ରହିଛି ଯେ, କାର୍ତ୍ତିକ ପୂର୍ଣ୍ଣିମା ହେଉଛି ଦାନପୂଣ୍ୟର ଦିନ। ତେଣୁ ଏହିଦିନ ନିଜ ସାମର୍ଥ୍ୟ ଅନୁଯାୟୀ, ଗରିବ ଲୋକଙ୍କୁ କିଛି ଦାନ କଲେ କିମ୍ବା ଭୋକିଲା ଲୋକଙ୍କୁ ଖାଇବାକୁ ଦେଲେ ମାତା ଲକ୍ଷ୍ମୀ ପ୍ରସନ୍ନ ହୋଇଥାନ୍ତି।
* କାର୍ତ୍ତିକ ପୂର୍ଣ୍ଣିମା ଦିନ ଭଗବାନ ବିଷ୍ଣୁଙ୍କୁ ତୁଳସୀ ଅର୍ପଣ କଲେ ଅନ୍ୟଦିନ ତୁଳନାରେ ଅଧିକ ପୂଣ୍ୟ ମିଳିଥାଏ ବୋଲି ବିଶ୍ୱାସ କରାଯାଏ। ତା’ସହିତ ଏହିଦିନ ପ୍ରଭୂଙ୍କୁ ଯାହା ବି ଭୋଗ ଲଗାଇବେ, ସେଥିରେ ତୁଳସୀ ଜଳ ପକାଇଲେ ଘରେ ସୁଖ ସମୃଦ୍ଧି ବଢିଥାଏ ବୋଲି ବି ବଶ୍ୱାସ ରହିଛି।
* ଏହି ପବିତ୍ର ପର୍ବ ଅବସରରେ ଯଦି ଘରର ମୁଖ୍ୟ ଦ୍ୱାରରେ ଆମ୍ବ ପତ୍ରକୁ ମାଳ କରି ଟାଙ୍ଗି ଦିଆଯାଏ; ତା’ହେଲେ ଘର ଭିତରକୁ ସକାରାତ୍ମକ ଶକ୍ତିର ପ୍ରବେଶ ହୋଇଥାଏ ବୋଲି ମାନ୍ୟତା ରହିଛି।
*ଏହିଦିନ ଠାକୁର ଘର ସହିତ ମୁଖ୍ୟ ଦ୍ୱାରର ଉଭୟ ପଟେ ଦୀପ ଜାଳିଲେ ପିତୃପୁରୁଷଙ୍କ ଆଶୀର୍ବାଦ ମିଳେ। ଏହାଛଡ଼ା ଏହି ପବିତ୍ର ଦିବସରେ ନାଲି କପଡ଼ାରେ କିଛି କଉଡ଼ି, ଗୋମତି ଚକ୍ର, ହଳଦୀ ଓ ଖୁଚୁରା ପଇସାକୁ ବାନ୍ଧି ଟ୍ରେଜେରୀରେ ରଖିଲେ ଧନ ସମ୍ପତି ବୃଦ୍ଧି ହୁଏ ବୋଲି ବିଶ୍ୱାସ ରହିଛି।
* କଞ୍ଚା କ୍ଷୀରରେ ମହୁ ଓ ଗଙ୍ଗାଜଳକୁ ମିଶାଇ ଏହିଦିନ ଶିବଲିଙ୍ଗଙ୍କ ମଥାରେ ଢାଳି ପବିତ୍ର ମନରେ ପୂଜା କଲେ ପ୍ରଭୂକୃପା ଲାଭ ହୋଇଥାଏ ବୋଲି ଜ୍ୟୋତିଷଶାସ୍ତ୍ରରେ ଉଲ୍ଲେଖ ରହିଛି।
