ହାମିଲଟନ,୧୨।୩: ହାମିଲଟନସ୍ଥିତ ସେଡନ୍ ପାର୍କ ପଡ଼ିଆରେ ଶନିବାର ଖେଳାଯାଇଥିବା ମହିଳା ବିଶ୍ୱକପରେ ଭାରତ ଇତିହାସ ସୃଷ୍ଟି କରିଛି । ୱେଷ୍ଟ୍ଇଣ୍ଡିଜ ବିପକ୍ଷରେ ଭାରତର ଦୁଇ ବ୍ୟାଟର ଶତକ ହାସଲ କରିଛନ୍ତି । ସ୍ମୃତି ମାନ୍ଧାନାଙ୍କ ସହ ହରମନପ୍ରୀତ କୌର ଦମ୍ଦାର ବ୍ୟାଟିଂ କରି ଶତକ ହାସଲ କରିଥିଲେ।
ଟିମ ଇଣ୍ଡିଆ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା। ଆରମ୍ଭ ଭାରତର ଦୁଇ ଓପନର ୟସିକା ଭାଟିଆ ଓ ସ୍ମୃତି ମାନ୍ଧାନା ଦମ୍ଦାର ପ୍ରଦର୍ଶନ କରିଥିଲେ। ପ୍ରଥମ ଉଇକେଟ ପାଇଁ ଦୁଇ ବ୍ୟାଟ୍ସମ୍ୟାନ ୪୯ ରନ୍ର ପାର୍ଟନରଶିପ କରିଥିଲେ। ୟସିକା ଭାଟିଆଙ୍କ ଆଉଟ ପରେ ଅଧିନାୟକ ମିତାଲି ରାଜ ଓ ଦୀପ୍ତି ଶର୍ମା ମଧ୍ୟ ଆଉଟ ହୋଇ ପାଭିଲିୟନ ଫେରିଥିଲେ। ୭୮ ରନରେ ୩ଟି ଉଇକେଟ ହରାଇ ଦଳ ସଙ୍କଟରେ ପଡିଯାଇଥିଲା। ହେଲେ ଦଳକୁ ସମ୍ଭାଳିଥିଲେ ଉପଅଧିନାୟକ ହରମନପ୍ରୀତ।
ସ୍ମୃତି ମନ୍ଧାନା ୧୧୯ ବଲରୁ ୧୨୩ ରନର ଦମଦାର ଇନିଂସ ଖେଳିଥିଲେ। ଏପରିକି ହରମନପ୍ରୀତ ମଧ୍ୟ ଧୂଆଁଧାର ବ୍ୟାଟିଂ କରି ୧୦୯ (୧୦୭ ବଲ ଖେଳି) ରନ୍ କରିଥିଲେ। ଫଳରେ ଭାରତ ନିର୍ଦ୍ଧାରିତ ୫୦ ଓଭରରେ ୮ ଉଇକେଟ ହରାଇ ୩୧୭ ରନ୍ କରିଛି। ଫଳରେ ୱେଷ୍ଟଇଣ୍ଡିଜ ଆଗରେ ୩୧୮ ରନ୍ର ବଡ଼ ସ୍କୋର ରଖିଛି ଟିମ୍ ଇଣ୍ଡିଆ। ବର୍ତ୍ତମାନ ଖେଳ ସୁଦ୍ଧା ୱେଷ୍ଟଇଣ୍ଡିଜ ୩୨ ଓଭରରେ ୭ ଉଇକେଟ ହରାଇ ୧୫୫ ରନ୍ କରିଛି।
