କୋଲକତା,୫।୯: ପଶ୍ଚିମବଙ୍ଗରେ ଉପ-ନିର୍ବାଚନ ଘୋଷଣା ପରେ ରାଜନୈତିକ ମହଲରେ ଚର୍ଚ୍ଚା ଆରମ୍ଭ ହୋଇଛି। ଭବାନୀପୁର ବିଧାନସଭା ଆସନରୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ତାଙ୍କ ପ୍ରାର୍ଥୀପତ୍ର ଉପସ୍ଥାପନ କରିବେ। ମୁଖ୍ୟମନ୍ତ୍ରୀଙ୍କ ଚେୟାରରେ ରହିବାକୁ ମମତାଙ୍କୁ ଯେକୌଣସି ଭାବେ ଉପ-ନିର୍ବାଚନରେ ଜିତିବାକୁ ପଡିବ। ଅନ୍ୟ ଆସନରେ ଟିଏମସି ପ୍ରାର୍ଥୀ ଜାକିର ହୁସେନ ଜାଙ୍ଗିପୁରରୁ ଏବଂ ଅମିରୁଲ ଇସଲାମ ସମସେରପୁର ବିଧାନସଭା ଆସନରୁ ପ୍ରତିଦ୍ୱନ୍ଦ୍ୱିତା କରିବେ।
ସେପ୍ଟେମ୍ବର ୩୦ରେ ରାଜ୍ୟର ତିନୋଟି ବିଧାନସଭା ଆସନ ପାଇଁ ଉପ-ନିର୍ବାଚନ ଅନୁଷ୍ଠିତ ହେବ। ଏହି ସମୟରେ ଟିଏମସି ନେତା ମଦନ ମିତ୍ର କହିଛନ୍ତି ଯେ, ଭବନୀପୁର ବିଧାନସଭା ଉପ-ନିର୍ବାଚନରେ ଭାଜପା ନିଜର ପ୍ରାର୍ଥୀ କରି ନିଜର ଟଙ୍କା ନଷ୍ଟ କରିବା ଉଚିତ ନୁହେଁ। ଏହି ନିର୍ବାଚନ ସମ୍ପୂର୍ଣ୍ଣ ଏକପାଖିଆ ହେବ।
