କେସିଙ୍ଗା,୧୯ା୭(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ଗ୍ରାମ୍ୟ ଉନ୍ନୟନ କାର୍ଯ୍ୟାଳୟ ଅଧିନସ୍ଥ କିକିଆ ଗ୍ରାମ ପଞ୍ଚାୟତର ଖଜୁରପଡ଼ାଠାରୁ କିକିଆ ୩କିମି ରାସ୍ତା ଶୋଚନୀୟ ଅବସ୍ଥାରେ ଦୀର୍ଘ ୧୫ ବର୍ଷ ହେଲା ପଡ଼ିରହିଛି। ଗତ ୨୦୧୦-୧୧ରେ ଏହି ୩କିମି ରାସ୍ତାକୁ କେସିଙ୍ଗା ଆର୍ଡି ବିଭାଗ ପକ୍ଷରୁ ରାସ୍ତା ନିର୍ମାଣ କରାଯାଇଥିଲା। ଏହି ୩ କିମି ରାସ୍ତା ଉପରେ ସ୍ଥାନେସ୍ଥାନେ ଖାଲ ହୋଇଛି। ବର୍ଷା ଦିନରେ ବହୁ ଜାଗାରେ ଆଣ୍ଠୁଏ ପାଣି ଜମି ରହୁଛି। ଏହି ରାସ୍ତା ଦେଇ ଦୈନିକ ଶହଶହ ସଂଖ୍ୟାରେ ହାଇଓ୍ବା, ଟ୍ରାକ୍ଟରରେ ବାଲି, ଚିପ୍ସ ଆଦି ସାମଗ୍ରୀ ବୋଝେଇ କରି ଦୈନିକ ଯିବା ଆସିବା କରୁଛି। ରାସ୍ତା କାମ ଠିକ୍ ଭାବେ ମଧ୍ୟ କାମ କରା ଯାଇ ନ ଥିବାରୁ ଭାରୀଯାନ ଚଳାଚଳରେ ଖରାପ ହେଉଛି। ବହୁ ଜାଗାରେ ଖାଲ ହୋଇ ପାଣି ଜମି ରହୁଛି। ଫଳରେ ବହୁ ଲୋକମାନେ ଖାଲରେ ପଡ଼ି ଦୁର୍ଘଟଣାଗ୍ରସ୍ତ ହେଉଛନ୍ତି। ମରାମତି କରିବା ପାଇଁ ଗ୍ରାମବାସୀ ବହୁବାର ଜିଲାପାଳ, ବିଭାଗୀୟ ଅଧିକାରୀଙ୍କୁ ରାସ୍ତା ମରାମତି କରିବା ପାଇଁ ଅଭିଯୋଗ କରିଥିଲେ ମଧ୍ୟ ଆଜକୁ ୧୫ ବର୍ଷ ହେଲା କୌଣସି ସୁଫଳ ହେଉନାହିଁ। ଯଥାଶୀଘ୍ର କିକିଆଠାରୁ ଖଜୁରପଡ଼ା ୩କିମି ରାସ୍ତା ମରାମତି କରିବା ପାଇଁ ଯଦି ବିଭାଗୀୟ ଅଧିକାରୀ ପଦକ୍ଷେପ ନ ନିଅନ୍ତି ତେବେ ଗ୍ରାମବାସୀ ରାଜରାସ୍ତାକୁ ଓହ୍ଲାଇ ବାକୁ ଚେତାବନୀ ଦେଇଛନ୍ତି। ଏ ସଂକ୍ରାନ୍ତରେ ବିଭାଗୀୟ ଯନ୍ତ୍ରୀ ସୁଖୀଶ୍ୟାମ ନାଏକଙ୍କୁ ପଚାରିବାରୁ ବର୍ଷା ଋତୁ ସରିଲା ପରେ ସର୍ଭେ କରି ମରାମତି ପାଇଁ ରାଜ୍ୟ ସରକାରଙ୍କୁ ପଠାଯିବ ବୋଲି ପ୍ରକାଶ କରିଛନ୍ତି।
