ନୂଆପଡ଼ା,୨୩ା୫ (ମକାରୁ ବେମାଲ):ନୂଆପଡ଼ା ଜିଲା କୋମନା ବ୍ଲକ୍ ଜଟଗଡ଼ ପଞ୍ଚାୟତ ସୋରିପଡ଼ା ଓ ଖଲିଆପଡ଼ାରେ ପାନୀୟ ଜଳ ସଙ୍କଟ ଦେଖାଦେଇଛି। ସୂଚନା ଅନୁଯାୟୀ ସୋରିପଡ଼ା ଗଁାରେ ୫୦ରୁ ଊର୍ଦ୍ଧ୍ୱ ପରିବାରରେ ୪ ଶହ ଲୋକ ବାସ କରନ୍ତି। ଗୋଟିଏ ୱାର୍ଡ ବିଶିଷ୍ଟ ଗଁାରେ ୩ଟି ନଳକୂଅ ରହିଛି। ପୁରୁଣା ଯଜ୍ଞବେଦୀ ପାଖ ନଳକୂଅ ଖରାପ ରହିଥିବା ବେଳେ ବସ୍ତି ମଝିରେ ଥିବା ନଳକୂଅରେ ସୂତା ଧାରରେ ପାଣି ବାହାରୁଛି। ଫଳରେ ଗୋଟିଏ ଗରା ପାଣି ପାଇଁ ଦୀର୍ଘ ସମୟ ଅପେକ୍ଷା କରିବାକୁ ପଡୁଛି। ଅନ୍ୟପକ୍ଷରେ ନୂତନ ଯଜ୍ଞବେଦୀ ପାଖରେ ଭଲ ପାଣି ବାହାରୁଥିବା ନଳକୂଅ ଉପରେ ଲୋକେ ନିର୍ଭର କରୁଥିବାବେଳେ ମାଟି ଧସି ତାହା ପୋତିହୋଇଯିବାରୁ ପାଣି ବାହାରୁନାହିଁ। ଗଁାରେ ଥିବା ପୋଖରୀ, ମୁଡା, ଚହଲା ପାଣି ଶୁଖିଗଲାଣି। ଶୌଚସ୍ନାନ ଦୂର କଥା ନିତ୍ୟ ବ୍ୟବହାର ପାଇଁ ପାଣି ମିଳୁନାହିଁ ା ବସୁଧା ଯୋଜନାରେ ଗଁା ଭିତରେ ପାଇପ୍ ବିଛାଯାଇ ଘରଗୁଡ଼ିକରେ ଷ୍ଟାଣ୍ଡପୋଷ୍ଟ ନିର୍ମାଣ କରାଯାଇଛି ା ହେଲେ ୩ ବର୍ଷ ବିତିଯାଇଥିଲେ ମଧ୍ୟ ଗଁାକୁ ପାଇପ୍ ପାଣି ଆସୁନାହିଁ। ସେହିପରି ଖଲିଆପଡ଼ାରେ ୨୦ରୁ ଊର୍ଦ୍ଧ୍ୱ ପରିବାରରେ ଶହେରୁ ଅଧିକ ଲୋକ ବାସ କରୁଛନ୍ତି। ସେମାନଙ୍କ ପାଇଁ ଗୋଟିଏ ନଳକୂଅ ରହିଛି। ସେଥିରେ ସୋଲାର ମାଧ୍ୟମରେ ମୋଟର ଲଗାଯାଇ ଟାଙ୍କିକୁ ପାଣି ଉଠାଇ ବ୍ୟବହାର କରାଯାଉଥିଲା। ହେଲେ ବର୍ତ୍ତମାନ ନଳକୂଅରୁ ପାଣି ବାହାରୁ ନ ଥିବାରୁ ପଡ଼ାବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି ା ଉଭୟ ଗଁା ଓ ପଡ଼ାର ଲୋକେ ପାଖ ଗଁାର ପୋଖରୀ କିମ୍ବା ମୁଡାକୁ ଶୌଚସ୍ନାନ ପାଇଁ ଯାଉଥିବାବେଳେ ଡ୍ରମ ଓ ଟିଣ ଡବାରେ ପାଣି ଆଣି କଷ୍ଟେମଷ୍ଟେ ଚଳୁଛନ୍ତି। ଖରାପ ହୋଇଥିବା ନଳକୂଅ ମରାମତି ସହ ପାଇପ୍ରେ ଜଳ ଯୋଗାଣ ଓ ଟ୍ୟାଙ୍କର ଯୋଗେ ଗଁାକୁ ପାଣି ଯୋଗାଣ କରିବାକୁ ୱାର୍ଡ ସଭ୍ୟ ଜଗନ୍ନାଥ ଧରୁଆ, ଲାୟଧର ମାଝି, ଜୟସିଂ ମାଝି, ସୂର୍ଯ୍ୟକାନ୍ତି ମାଝି, ରମୁଲା ମାଝି, ଭୂମିସୂତା ମାଝି ପ୍ରମୁଖ ଦାବି କରିଛନ୍ତି ା ଏ ସଂକ୍ରାନ୍ତରେ କୋମନା ଗ୍ରାମ୍ୟ ଜଳ ଯୋଗାଣ ଓ ପରିମଳ ବିଭାଗ କନିଷ୍ଠ ଯନ୍ତ୍ରୀ ନିରନ୍ତର ମିଞ୍ଜଙ୍କୁ ପଚାରିବାରୁ ଖୁବ୍ଶୀଘ୍ର ଆମ ଲୋକ ଯାଇ ଖରାପ ହୋଇଥିବା ନଳକୂଅ ମରାମତି କରିବେ ବୋଲି କହିଥିଲେ।