ବେଜିଂ, ୨୩।୫ : ରୁଷିଆ ୟୁକ୍ରେନ୍ ମଧ୍ୟରେ ଯୁଦ୍ଧ ଜାରି ରହିଛି। ଏପରିସ୍ଥଳେ ପୁଣି ନୂଆ ଯୁଦ୍ଧ ହେବାକୁ ଯାଉଛି। ଚାଇନା ଶୀଘ୍ର ତାଇୱାନ ଉପରେ ଆକ୍ରମଣ କରିବାକୁ ଯାଉଛି। ଚାଇନା ତାଇଓ୍ବାନ ଉପରେ ଆକ୍ରମଣ କରିବା ନେଇ ଏକ ଅଡ଼ିଓ ଲିକ ହୋଇଛି। ଏହା ଚାଇନାର ଜଣେ ସାମରିକ ଜେନେରାଲଙ୍କର ବୋଲି କୁୂହାଯାଉଛି। ଏହି ଅଡିଓ କ୍ଲିପକୁ ଚାଇନାରେ ଜନ୍ମିତ ମାନବ ଅଧିକାର କର୍ମୀ ପ୍ରକାଶ କରିଛନ୍ତି।
ହିନ୍ଦୁସ୍ତାନ ଟାଇମ୍ସ ରିପୋର୍ଟରେ ଦର୍ଶାଯାଇଛି ଯେ ଏହି ୫୭ ମିନିଟର ଅଡିଓ କ୍ଲିପ୍ରେ ଚାଇନାର ଜଣେ ବରିଷ୍ଠ ସାମରିକ ଜେନେରାଲ ତାଇୱାନରେ ଯୁଦ୍ଧ ସମ୍ପର୍କରେ ରଣନୀତି ପ୍ରସ୍ତୁତ କରୁଥିବା ଶୁଣିବାକୁ ମିଳୁଛି। ଏଥିରେ ଚାଇନାର ସର୍ବୋଚ୍ଚ ଯୁଦ୍ଧ ଜେନେରାଲ ତାଇୱାନରେ କିପରି ଯୁଦ୍ଧ କରିବେ ଏବଂ ଏହାକୁ କିପରି ଆଗକୁ ନିଆଯିବ ସେନେଇ ଆଲୋଚନା କରିଛନ୍ତି। ଏଥିରେ ଚାଇନା ସାମରିକ ପିପୁଲ୍ସ ଲିବରେଶନ ଆର୍ମି ଗ୍ରାଉଣ୍ଡ ଆଟାକ ଯୋଜନା ବିଷୟରେ ଉଲ୍ଲେଖ କରିଛି। ସାଇବର ଆକ୍ରମଣ ଏବଂ ମହାକାଶରେ ଥିବା ଅସ୍ତ୍ରଶସ୍ତ୍ର ବ୍ୟବହାର ପାଇଁ ଏକ ରଣନୀତି ପ୍ରସ୍ତୁତ କରାଯାଇଛି।
ଏହା ବ୍ୟତୀତ କାର୍ଯ୍ୟକର୍ତ୍ତା ଜେନିଫର ଜେଙ୍ଗ ମଧ୍ୟ ଏକ ଟୁଇଟରେ ଦାବି କରିଛନ୍ତି ଯେ ପ୍ରଥମ ଥର ପାଇଁ ଚାଇନାର ଜେନେରାଲଙ୍କ ଗୁପ୍ତ ବୈଠକ ଲିକ ହୋଇଛି। ଏଥିପାଇଁ ଜଣେ ଲ୍ୟୁଟନାଟ୍ ଜେନେରାଲ ଏବଂ ତିନିଜଣ ପ୍ରମୁଖ ଜେନେରାଲଙ୍କୁ ମୃତ୍ୟୁଦଣ୍ଡ ଦିଆଯାଇଛି। ଅନ୍ୟ ଅନେକ ଅଧିକାରୀଙ୍କୁ ଜେଲକୁ ପଠାଯାଇଛି। ଏହି ଅଡିଓ କ୍ଲିପ୍ ହେଉଛି ଶାସକ କମ୍ୟୁନିଷ୍ଟ ପାର୍ଟିରେ ବିଦ୍ରୋହର ସବୁଠାରୁ ବଡ ପ୍ରମାଣ। ଦାବି ହେଉଛି ଯେ ଏହି ବୈଠକ ୧୪ ମେ’ରେ ହୋଇଥିଲା। ଏହାର ଅଡିଓ ପ୍ରଥମେ ଲ୍ୟୁଡ ମିଡିଆ ଦ୍ୱାରା ଲିକ ହୋଇଥିଲା । ଲ୍ୟୁଡ ମିଡିଆ କହିଛି ଯେ ତାଇୱାନ ସମ୍ବନ୍ଧରେ ରାଷ୍ଟ୍ରପତି ଶି ଜିନପିଙ୍ଗଙ୍କ ଉଦ୍ଦେଶ୍ୟ ପ୍ରକାଶ କରିବାକୁ ଚାହୁଁଥିବା ସିପିସିର ଜଣେ ବରିଷ୍ଠ ଅଧିକାରୀ ଏହି ଅଡିଓ ଲିକ କରିଛନ୍ତି। ଅଡିଓରେ ଚାଲିଥିବା ବାର୍ତ୍ତାଳାପକୁ ଆଧାର କରି ଅନୁମାନ କରାଯାଇଛି ଯେ ରାଜନୈତିକ ନେତୃତ୍ୱ ବ୍ୟତୀତ ଦଳର ସଚିବ, ଡେପୁଟି ସେକ୍ରେଟାରୀ, ଗଭର୍ନର ଏବଂ ଗୁଆଙ୍ଗଡଙ୍ଗର ଉପାଧ୍ୟକ୍ଷ ମଧ୍ୟ ଏହି ସଭାରେ ଉପସ୍ଥିତ ଥିଲେ।
ଅଡିଓ କ୍ଲିପ ସାଧାରଣ ସ୍ଥିତିକୁ ଯୁଦ୍ଧ ସ୍ଥିତିକୁ ରୂପାନ୍ତର କରିବାରେ ଲାଗିଛି। ସାମରିକ ଯୋଜନା ଏବଂ ସେନାର ନିୟୋଜନ ଉପରେ ଆଲୋଚନା ଏଥିରେ ରହିଛି। ତାଇୱାନ ବାହିନୀକୁ ଚ୍ୟାଲେଞ୍ଜ କରିବା ଏବଂ ଆବଶ୍ୟକ ହେଲେ ଯୁଦ୍ଧ କରିବା ବିଷୟରେ ମଧ୍ୟ ଏଥିରେ ଆଲୋଚନା କରାଯାଇଛି।ଗୁଆଙ୍ଗଡୋଙ୍ଗ ପ୍ରାଦେଶିକ ପାର୍ଟି କମିଟିର ଷ୍ଟାଣ୍ଡିଂ କମିଟିର ବୈଠକରେ ନ୍ୟାଶନାଲ ଡିଫେନ୍ସ ମୋବାଲାଇଜେଶନ କମାଣ୍ଡ ସିଷ୍ଟମ ଗଠନ, ଯୁଦ୍ଧ ପ୍ରଣାଳୀ ଏବଂ ମନିଟରିଂ ସିଷ୍ଟମ ଲାଗୁ କରିବା ପାଇଁ ରଣନୀତି ପ୍ରସ୍ତୁତ କରାଯାଇଛି।
